ප්‍රහාරක ගුවන් යානා අටක්

රටේ යුද්ධයක් නැති එක ගැන පාලුවට
ෆයිටර් ජෙට් අටක් ගන්නට යනවාලු
උතුර නැගෙනහිර හැර අන් හැම තැනට
ඛෙදලා දුන්නනම් ඒවා බොහොම වටී

වැට් බද්දට එහෙම නැත්නම් බඩගින්න
ඉවසා ගන්න බැරි මිනිසුන් නැගෙන විට
ක`දුළු ගෑස් රබර් උණ්ඩ මදි හින්දා
ජෙට් ගෙනැවිත් තියමු හදිසියකට ගන්ට

උණ්ඩෙන් පවා හොරකම් කළ ආණ්ඩුව
පරාජය කරන කොට කව්වේ මෙහෙමයි
සාමය සතුට ඇති මෛතී්‍ර පාලනයක් 
එහෙව් එකේ මොකටද මේ ජෙට් යානා

ඒ බස් දහය ශ්‍රී ලන්කන් ගන්නකොට
ඒවා ඇතුලෙ සැප කාමර බව පෙන්නා
අනේ අපොයි කියලා දෙස් තියපු අපි
යුද නැති රටට කොහොමද දෙස් ඉල්ලන්නේ

කිරිඇල්ල

දිනන්නට උදව්කළ තම        උන්නැහෙලා

උපදේශකවරු හැටියට            පත් කරලා

එකක් දෙකක් නම් හිටියැකි        ඉවසාලා

පනස් හතරක්ය රටට - කළ පව්    පලදීලා

එකෙක් බැගින් ආවොත් උපදෙස්   දෙන්න

දෙකක් මාස ගතවෙයි නිසැකය       ඔන්න

මොකක් නමුත් නරකයි වෙන්නට දෙන්න

රටක් වටින යහ තීරණයක්             ගන්න

ආයා කටු ගැහුම බල්ලන්                     නෑවීම

කලින් එකාලා වෙනුවෙන් කළ              සේම

මෙකල උපදේශකයන් ද කළහොත්   එහෙම

පලක් නැත රෙදි ඇඳන් කරනා       විලි වැහුම

මැදවච්චිය - ඔ්න ගොනෙකුට     යුද කෙරුම

කළ හැකි බවට වාචාලව බස්            දෙඩුම

කැම්පස් එකට අත පොවලා       ඇන ගැනුම

සම කළ නොහැක මෙව්වා    තනිකර කරුම

රට වේලට බුදිති

අනේ බලන් හිටියේ රට සැනසෙන්න
විනේ තුරන් කර සතුටින් නිදියන්න
ඇසේ තැනින් තැන දුක ජනයා වි`දින
අනේ දෙවියනේ මේ අප රැක ගන්න

උනුන් කෑ කොටා ගෙන යහතින් ඉ`දිති
ජනයා එකයි උන්නත් සැප උන් වි`දිති
මෙතුවක් එක පිලක් හැටියට හිටියේ කැමැති
දැන් බල දෙපිල තුන් පිල රට වේලට බුදිති

රජු ඉල්ලන් කෑවේය

රජෙක් වුනත් කළකම් පළදෙනවාය

කොතෙක් නමුත් බල නැති දා බලූවේය

වැඩක් නැතත් වැඩ ඇති සේ හැසිරේය

දුකක් ඇතත් රජු ඉල්ලන් කෑවේය

යුද සෙන් පිරිවරා සතුරන් මැඩලීය

වෙද අන් කෙනෙකු මේ අප රණ විරුවාය

අද සද වෙසෙන හැටි සිහි වී ගිරුවාය

හද වත තුළ අඳුර ඇති මුත් රට කළඑළිය

ඇති කල බලය හිත මිතුරන් අත ළඟය

නැති සොහොයුරන් එක හැලියේ බත් කාය

නිති තෙරපෙමින් අත පත ගා සනසාය

මැති මෙත් සිතනු නුඹටත් එහෙමම වේය

ජනතා බලය සුළු කොට සලකන්න එපා

උගතා නූගතා ලෙස දෙකකට ඛෙදනු එපා

මහතා නන් ලෙසින් සිටියේ නම් එඩිය පපා

නවතා ලනු නොහැක තෙවරක් ලබන උපා

-හිතුවක්කාරයා   

බම්බුව තමයි

අප්ප පැන්නෙ   ජනේලයෙන්

පුතා දොරෙන්    එයාර් ලයින්

අපේ දරුවො      මහ පාරෙන්

යන්නේ විදු නැන     ඉල්ලන්



වෙන්නේ තෙල මෝරන කොට

බලය ඉහට නැග          ඇති විට

වතුරත් නැති         බඩ ගින්නට

කඳුළු ගෑස්             අපේ උන්ට



එකෙක් දෙකෙක් නම් හදලා   ගන්නයි

දෙකක් තුනක් ඇනලා   මකවා ගන්නයි

රජෙක් මිසක් නහයක් නැති බව පෙන්නයි

හුඟක් පවක් කළ ජනයිනි     විඳ වන්නයි

ඇයි රත්තරන්

මිල අඩුවෙමින් යනවා රන් ලෝකෙ වටේ

ඒ අඩු මිලට අපි දුන්නොත් හොඳය වැඬේ

උන් රන් වලලූ ඇ ඳ ගෙන ආවොත් දෙවැටේ

අපේ කොල්ලො කැසිනෝ යන්නේ කෙලෙසේ



අඩු වෙන මිලට රන් අත ගා නොබලන්න

දැම්මා බද්ද රන් මිල නැග තරු විසි වෙන්න

ලෙව කන දනට අතැගිලි බැඳි එක් වෙන්න

කණ කර උකස් කර වෙයි - රන් කෙ ඳි ගන්න



බදු පිට බදු දමා පාන් නැගපි හැටකට

බදු නැති රන් කුමට විකුණන්නෙ අඩුවට

රන් මිල වැඩියි ජනයා නැගෙනු නැති රට

කරපිංචා නැටි ගහව ඇස් වෙන දෙකනට



සූරා ගෙන ගනින් අප අත       ඇති පල්ල

මෝරා නැගෙන විට එය ගෙන උන් දැගලිල්ල

කාරා කෙල ගසනු නැති නම් ගෙන දොර පොල්ල

මාරා වේසයෙන් එනු දැන් ඇති රට කෙරවිල්ල

- හිතුවක්කාරයා

ජගත් චමිල

දක්ෂයෙක් ද අනෙ මන්දා - අරුන්දිකල ඉන්න රටේ

වයංගයක් දන්නෙම නෑ - මර්වින්කියනවා වගේ



කොහෙද ඇගේ තියෙනවාද - ඉරියව් වත් රජුට වගේ

අභිනය ගැන ඉගෙනගන්න - විරවංශ දෙස බලන්න



පරින වේශ වන ආකාරය චරිත වලට - දුමින්ද පාඩමක් වේවි

හඬ පාලනයෙන් නැග ආ - ජේ.ආර්.පී. ලැජ්ජ වේවි



හාසයෝත්පාදනයට කෙහෙලිය - අධි රංගනයට චම්පික

මෑත කාලයේ දැක්වූ දක්ෂතාව වතුරෙ ගිහින්



පේක්ෂකයො කෑගහද්දි - දී මූ වගෙ නොසැලීඉන්න

අන්යාකලාප කියා - සිරිස්න වගේ අවධානයක් ගන්න



දෙන පිටපත ලෙස කියවන - ගයන්ත වගෙ කවි කාරයො

වේදිකාව හසුරුවන්න ජන බල ඇති - රනිල් වගේ සෙන්පතිවරු



නාට්ටියක රංගන බව නොපෙනෙන ලෙස රගන - ඩලස්

එකම මේකප් එකෙන් ඉන්නා ටිල්වින් -විජිත -සෝමවංස



මෙහෙම තවත් කියන්න හැකි - අපිට ඉන්න නලූවන් ගැන

එහෙව් එකේ කුමන්තරනෙන් - අපෙ අමිලයාට තැන ගිහිල්ල



හිතුවක්කාරයා