පහතින් පෙනෙන ආගාධය දෙස නොබලා
මොහොතින් ගැස්සුවා සද්දය නොඑන ලෙසා
උන් පැන ගියා ජීවිතයෙන් හනි හනිකා
එකටෙක ගිනි කෑ අනෙකා ද තනිවී ඇත මෙදෙසා
උනුන් කළ දේ ම උහු අරගෙන යාය
කුඩු පෙලපත රකින මැතිදෝ රජ වේ ය
උස් අණ නිසා කුඩු කෑ අය රැකි සැවොම
අඩුවක් නැතිව වගකිව යුතු වේ බෝම
දන ට දෙති බෙදති නිති සුද හැද සිටිති
මිළ කළ නොහැකි වාහන ඇතිව හැසිරෙති
උනුන් වෙසෙන සත් මහලෙහි බිම ගැවසි
මිනිසුනි වග බලන් - දන සනහන මැති ඇමති
සිරි ලංකාව අසිරිය මෙය ද පැතිරෙනා
දුක් ගංගාව බල මෙහි දසත ඇවිලෙනා
නැන නුවණින් සපිරි මැති නිතොර යට යනා
මේ බොර දියට මේ වැනි දැහැටි ගැලපෙනා
-හිතුවක්කාරයා
2 comments:
Good
උඩට මතුවෙලා පාවෙන ගොමරිටි වලට තමයි මෙහෙ වටිනාකමක් තියෙන්නෙ.
Post a Comment