ඇම

හැට පැන්නත් ඉඔින්නට නොලද
එකම ල`ද වේ යැ මේ රුසිරු කොළඹ
අමුනා කෙළවරක තම දෙටු පුරෝහිත
බලව දොඩනා වහසි බස්ඇය ගන්න කරකාර


හිතුවක්කාරයා

මිලින්ද

තාප්පය බින්දා - කුණු කසල ඇද්දා
කොළ පාට මිලින්දා
නිලට හුරුවෙනවාදෝ කොයින්දා

කඩ බක්කි නැති වූවෝ
ගෙවල් දොරවල් කැඩූවෝ
කියා දුක තම පෑවෝ
වරෙව් අපවෙත වාරෙ ආවෝ

තිබුණ මහ බල තෙද බිද
තුන්රෝද රියැදුරෙකුට ගිය කල
කලළෙහි ගිලුන මහ පුරවර
ගොඩ ගන්න අලියෙකුටම සිදුවිය

අලි පරපුර බෙදී
වෙන්වී සොයයි යන මග වියැකී
පරපුරෙන් වෙන්වී
තනිමිලින්දට හැකිවෙයිදෝ සකී

හිතුවක්කාරයා

තාප්පය කැඩුවාට ටයි පඹයෙක්?

තාප්පය කඩලා තුම්මුල්ලෙ එෆ් එම් එකේ

හෙලු වැල්ල පෙන්නනවා නොපෙනෙන ගානට අගේ

වස් වදින හින්දා දෝ අපේ

මෙන්න තියලා ටයිපටලවාගත් පඹයෙකුවැට මායිමේ

-හිතුවක්කාරයා

නළගනගේ වැළපිල්ල

තොසින් දිලෙන හිනා කවට කෙළි මූහුණු
අතරෙහි කල් ඇරියාය ටෙලියෙහි අපි ගෑනු
විසල් ලොවක පා කර හිත නොපෙනූණු
අනේ අත හැරියාය ලොජ් එකකට මෑනූ

දොස් පවරද්දි ගෙදරින් යන්නට ම එපා
වස් වදිනව ද කියලයි හිතුනේ රගපා
තොස් වඩවන නෙක සැරසිලි විසුලු පපා
දස්කම කරන දා නොසිතුනියතැයි අපා




හිතුවක්කාරයා

විදුලිය

එදා විදුලිය කැපූ දා කරුවල උනා නම....
මෙදා හොර රහසේ ම විදුලිය කැපූ
මුන් කියයි ඒ රටට හිතවත් නිසා
ඇයි දෙයියනේ නතර නොවුනේ පන්සලේ

හිතුවක්කාරයා

බොරු

නාථ දෙවියම්පල්ලා විද්‍යාව බොරු
විද්‍යාපීඨාධිපති මම කියන්නේ
කැළණියේ දැක්ම මේ තමයි
හාල් කෑවට කමක් නෑ හැබැයි ඒවයෙත් ආසනික්

බටහිර කියන්නේ ලෝක බොරු
චන්දයෙන් දිනූ මම කියන්නේ
අපේ කම මේ තමයි
උන්හදන්නේ මාව විදුලි පුටුවට යවන්නයි

මේවා ආණ්ඩුව මවන බොරු
විපක්ෂයෙ කිසි බෙදීමක් නැහැ
ප‍්‍රතිසංවිධානය මේ තමයි
අපේ හොර අලි හදන්නේ මාව පන්නන්නමයි

මේ ආණ්ඩුව කෙළින්නෙම බොරු
රතු ජන බලවේගය අපේ
රැවටිල්ලක නිමාවයි මේ
ධනපති පන්නලා ආණ්ඩුව අපි ගන්නවාමයි

උන් වලවල් කපයි බොරු
හැමදාමත්වැටෙන අපි
සීවරං දෙයිහාමුදුරුවනේ
සර්ව ජන චන්දය ලැබී දැනටමත් අවුරුදු අසූවයි

-හිතුවක්කාරයා

ඇදෙව් - යමව් පෙරටම එව්

සිංහාව ලෝකනය තැනූවෙනි වරෙල්ලා
මහින්දා ගමනය හැදූ නුඹ ද
අබා විරක්කාව්‍යය නිමැවූ තොප ද
එක් සිතින් එක්සත්ව නැගෙල්ලා

කිං හන්තර් තනන්නට නොව
ගිනිගත් මධුසමය - ඇගේ වෛරය ද නොව
රන්මිනිතැන්න ගම්මානයට වී
රූපවාහිනියට චිත‍්‍රපටියක් හදාපල්ලා

ගම් දනවු වනසා රට මළ ගෙයක් වූ වග
ගැබිණියන් - දරුවන් එක තැන දැවුණ හැටි
සැහැසි බිම් බෝම්බය වනසතුන් පවා බිළිගත්
එක සැනින් ජිවිත නැති කළ විලාසය

කෝකිලායි - නයාරු ඇයි අමතක ද කෙන්ට් ෆාම්
ගුවන් තොට - තෙල් ටැංකි විතරක් ද
රටම කම්පා කළ දළදා මාළිගය - අම්පාරෙ හාමුදුරුවරු
හදවත් නතරකළ කැබිති ගොල්ලෑවෙ බස් රථය

ආණ්ඩුව කියන්නේ මේ රටේ ජනතාව
මේ වෙලාවට නැතිචිත‍්‍රපටි මොන ඇන්නෑවකට ද
ගනිමු අන්තිම සතයත් ණයට - යොදමු මැර බලයත්
හදමු රට ගොඩ නගන - උන් මත වරද පටවන දෙයක්

- හිතුවක්කාරයා