Pages

Wednesday, March 16, 2011

ජන්ද පොළට යන අතරේ

ජන්ද කොළේ ගෙන පොළ වෙත යන කළට
මෙන්න බොලේ නෙක විසිතුරු මග දිගට
කටින් හැලේ ඉහිරෙන මුදු වදන් කැට
දරුවන් හැළේ අඟනුන් රැවටෙන ලොබට

උනුන් කෙළ ගනිති දස බේගල් දොඩති
උඩින් සුද අඳිති දන නිති අන්දවති
තුඩෙන් පවා විස වගුරන රුපුන් වෙති
එවුන් කුමට මේ විසකුරු රටම කති


හිතුවක්කාරයා

Thursday, March 3, 2011

රැවටිල්ලට නිමාවක් - අසෝබන කතා - 3

මෙවුං ආවෙ මාව අන්දන්න. මම ඇන්දා. හැබැයි උන් ඇඳ ගත්තා. ගෙවත්තෙ ගෝවා පාත්තියේ වල් ගලවන්න ද ඟ ලන පුංචි එවුන්නෙ දැඟලිල්ල දිහා බලාගෙන තනියම කියවනවා.

‘‘ අද වැඩට යන්නෙ නැද්ද අනේ. ‘‘ මද්දුමයා ගෙ දත මැදලා චන්දයට සූදානං කරන අතර වාරයේ ගෙදර ආණ්ඩුවෙන් ගෝරනාඩුවක් ඇහුණා.

‘‘ මක්කට යනවද .....වෙක්ක මනවද ?’‘ වල් ගලවන ගමං පාත්ති පාගන දරුවන්ට හුරතලේට රැවටුණා.

‘‘ ඔය කිවුවෙ. ඔහේ දන්නවද.....රට පාලනය කරන්නෙ කවුද කියල...?’’

‘‘ ඔහේ කියන විදියට මං. ..... පෙළක් වෙලාවට මං නොහිතන විදියට .....මල්ලියා.‘‘

‘‘ ඉත්තිං වැඩට නොගියොත්? .....ඔහෙත් මෙහේ. ...මමත් මෙහේ...‘‘

ඔන්න එලවලූ පාත්තියේ හුරතල් පැත්තකිං තියලා වැඩට යන්න පාරට බැස්සා.

පුහ්.... පේමන්ටෙකේ මල් හිටවලා..... බස් යන්නෙ වම් පැත්තෙං.... දකුණු පැත්තට වෙලා ආටා කාරයෙක් නවත්තගන්ට අත දිග් කළා උන් දකුණ බලන්නෙම නෑ. දකුණු පැත්තෙ පේමන්ට් එකේ හිටගෙන හිටියට පරාළා ඩෝ- ලිමනස්- ටොයෝටා හයර් දුවන්නෙ නැහැ නොවැ.

හචා බෑග් එකත් අරං ඔපිස් එක පැත්තට ඇවිදගෙන යනවා. .....බෝම්බ, වෙඩි පත්තුවෙන්නැති රටක පයිං යනේක කොයි තරං දෙයක්ද?

මෙහේ ආයෙත් චන්දයක්ද? පයින් ඇවිදගෙන යන ගමං තාප්ප දිහා බලනකොට ඉබේටම හිතිවිල්ලක් ආවා.

කෝ....එතකොට මැතිවරණ නිරීක්ෂකයෝ.... ගැටුම් නිරාකරණය... පරතය චණ්ඩ කිරනෙ යා නිරීක්ෂකයෝ.... තනි ඇහෙන් පෝස්ටර් කියවාගෙන යන ගමන් කල්පනාවට ආවා....

නතරවුණා. දැවැන්ත සටන් පාඨයක් පාර පුරා ලියලා. .....මේ මොකක්ද? කියවලා ම බැලූවා... මුහ්.. ..... ‘‘ රැවටිල්ලට නිමාවක්‘‘

කුණු හරුපයක් කියැවුණේ නැතුවා විතරයි.

රටම රවට්ටගෙන ඉන්ඩෙක පහසු දෙයක්ද? උන් හදන්නෙ මාව ගෙදර යවන්න. .... වැඩට යමිං හිටියට අතර මගදිම රැවටිල්ලට අහුවුණා.

‘‘ අපේක්ෂකත්වය ගත්තෙ රවට්ටලා... දිනුවෙ රටම රවට්ටලා.... රැවැට්ටුව ගමන් රට රවට්ටගෙන හිටි භයානක තර්ත ස්තයන්ගෙන් කොටසක් රවට්ටගත්තා... ...පක්ෂ ඔක්කොම රැවැට්ටුවා..... එක එකා මයේ පස්සෙං ආවෙ රැවටිලා නෙවෙයිද? ’’...... අඩියක් පස්සට ගන්න ගමං පෝස්ටරේ දිහා ආපහු බැලූවා.

‘‘මයේ පස්සෙං ඇවිත් ලොකු කං ගන්න හිතං හිටියා... උනුත් රැවටුනා.......මයේ ළඟට ආවත් රැවටුණා.... නාවත් රැවටුණා.....

පැළ හිටවනවා කිව්වාමත් රැවටුණා......

භාරකාරයා විතරයි කිව්වාම ඒකටත් රැවටුණා...... .....රජ්ජුරුවො කිව්වාම ආයෙත් රැවටුණා....... ‘‘ තව තවත් හිතන්නට පටං ගත්තා.

ලෝක කුසලානෙට තරග කරන්ට දෙඤ්ඤං කිව්වාමත් රැවටුණා......තව මොන්නවද?.......

‘‘මේ රැවටිලි අහවරයක් කරන්ඩ....... එව්ව කොහෙද මාත්එක්ක........රැවටිල්ලට නිමාවක්? මම නොදන්න ව්යංගර්තෙ.....වැඩට ගිය ගමං අටවන්නං .....‘‘ එහෙම හිතාගෙන ඉක්මං ගමනින් පාර මාරුවුණා.

හෝරාවකට දෙහෙකට පස්සෙ චන්ද රැස්වීමක ගිරිය කඩාගෙන ගෝසාවක්.
‘‘ දන්න සෙල්ලං එක්කොම දාලා මහජනතාව රවට්ටන්ඩාවා.. හරිගියේ නෑ.... ඉතුරුවුණේ එක සභාවයි......මේ වතාවෙ අලූත් තේමාවක්... මම සහෝදර වරුන්ට කියන්න කැමතියි මේක තමයි රැවටිල්ලට නිමාව. ..... ඉතිරිවෙලා තියෙන තැනත් නැතිවෙනවා.‘‘


-හිතුවක්කාරයා

හතරවරං ලියුං

උපුල් ජෝෂප් මහත්තයා ලියන්නේ ආණ්ඩුවට විරුද්ධව. කොතැනින් හරි ඇමක් අටවලා මහින්ද ආණ්ඩුව අමාරුවේ දානවා. ආරක්ෂා කරන්නෙ එක්සත් ජාතික පක්ෂය. දැන්නම් රනිල් එක්සත් ජාතික පක්ෂය ද නැත්නම් සජිත් එක්සත් ජාතික පක්ෂය ද පැහැදිලි නැහැ.

ආණ්ඩුව ට මේ ගුරුදා විග‍්‍රහය දිරවන්නේ නැහැ. ප‍්‍රති උත්තර විග‍්‍රහක් දැන් ලංකාදීප පත‍්‍රයේ පළකරනවා. ඒක ලියන්නේ වසන්තපි‍්‍රය රාමනායක. උපුල් ජෝෂප් ගේ මාතෘකාව පීචං කරලා ආණ්ඩුව නග්ගන එක උන්නැහේ ගේ නිත්‍ය වගකීම.

මේ ලියුං හුවමාරුව නිසා ගුරුදා විග‍්‍රහය පොඩි එකාගේ ලියුම බවට පත් වෙලා.

උපුල් ජෝෂප් මේ වතාවේ උගුලක් අටවලා. මැතිවරණ කොමසාරිස් ට හො`දටම දෙහි කපලා. ආතතිය කියන්නෙ බොරු. ආණ්ඩුවට උවමනා විධියට උන්නැහේ වැඩ කියන එක කියනවා. එහෙම නොවේ නම් අස්වෙලා පෙන්නන්න එතකොට මැතිවරණ කොමිසමටත් අවස්ථාව පැදෙනවා නොවැ කියල ඉගියකුත් දෙනවා.

දැන් අපි බලන් ඉන්නෙ රාමනායක හෙට උත්තර ලියනකං. උන්නැහේ මැ. කො. ආරක්ෂා කළොත් උපුල් කියන කතාව ඇත්ත. මැතිවරණ කොමසාරිස් කියන්නේ මේ රාමනායකලා වගේම ආණ්ඩුව ආරක්ෂා කරන ආණ්ඩුවේ නිලධාරියෙක්. එහෙම නොකළොත් උපුල් කියන කතාව ඇත්ත.

පස්සෙන් පහු බලන වෙලාවෙ උපුල් නඩත්තු කරන්නෙ කවුද කියල හිතල බලන එකත් යහපත්. රටේ නැති උපුල් ඉන්නෙ සිංගප්පූරුවේ. එයා නතරවෙලා ඉන්නෙ කාගේ අනුග‍්‍රහයෙන් ද බලමු. ඒ අනුගග‍්‍රහය දෙන එක්කෙනා කාගේ උපදේශකයෙක්ද දන්නෙ නෑ. ඒ විතරක් ද ප‍්‍රති උත්තර ලියන රාමනායක ඒ බව දන්නෙම නැහැ.

-හිතුවක්කාරයා

Tuesday, March 1, 2011

හම්බන්තොට

නිකං වේලි වේලී තිබුන බිම කොටා
වරායක් හැදුවා
දැං නැවක් නොඑන්නේ මන්ද?

ගංජා හේනක් තිබුණ තැන පුලූස්සා
කි‍්‍රකට් පිට්ටනියක් හැදුවා
ලෝක කුසලානෙට පස්සෙ මැච් එයිද?

මත්තල ගුවන් තොටුපොළක් හැදෙනවා
අහස විතරක් ද හිමි අපට
පිට පාරෙ රට යන්න බැරි ඇයිද?

- හිතුවක්කාරයා