Pages

Monday, September 24, 2012

අසෙණිය කුසුම

 බිම බලාගෙන ඔහේ සැලෙනා
ලදලූ පත් නොතකා සරන දන
එ දලූ නැග වීරියෙන් ඉහළට
පුපන මල ගෙන සිඹී දෝතට

මලක් වී නම් පරව යා යුතු
කසල ගොඩ වැද ජරපත්ව නොව
කසල සිත ලෙද කරන නිකසල
හරසරින් ගෙන පුදා පුදසුන

උනුන් වඩවන වස් කෙසඟ දවටන
මලක් නම් ගෙන නියෙන් කොනහන
විටෙක කෙලසෙක සුවඳ දෙන්නද
නික්ම යනු මිස හනික පරවී

මලක් නම් නොව මලෙකි අසෙනිය
නොයෙක් ජඩ කම් දකින නොරටක
සුවඳ දී දන සනහන්නෙ කුමකට
වනසනුන් වැනසෙන්න පුපුරන්න මෙදියත
-හිතුවක්කාරයා

Tuesday, September 18, 2012

මාලක සිල්වා





අනේ මම ම ගස් බැද ගත්තාම විනා

මොකෙක්වත් නැහැය බැන්දේ මා ගසක

ඩෙංගු මදුරුවන් මර්දනයට නොගොහින්

කළේ වස වැරුද්දකි මං පිළිගත්තා



මැතිවරණයේ පරරුතිඵල අහ ගන්න

ගිය අතරවාරයේ මං මට ගුටි ගහ ගත්තා

මගේ පිස්තෝලෙ ගෙනැවිත් දුන්න විනා

අහිංසක දරුවො පලි නෑ මගෙ ගොං කමට



පපුව පෙරට දා ඉන්ටලිජන් මේජර්ලා

මෙහෙම කියන කොට මොකට ද උසාවියක්

ආරක්ෂක ලේකම්ගේ ගුටි කන විරු දරුවන්ට

බැල මෙහෙවර කරන බොදු බල සේනා කුමට



අනේ අකාලේයන මේ රට ජන මාධ්ය යේ

කත්තුරු වරු නැති අඩුව බරටම පැහැදිලිය

උන් සෙල්ලමට කළ හරඹය රටට ම පෙන්නා

කරපු විකාරෙට දෙයියොම බලාපියෝ

-හිතුවක්කාරයා



Sunday, August 26, 2012

පංචායුධය

රට රස්සා කරන පංචායුද      බලවේගේ

තිරිකුණාමලය අතර යන එන අතර මගේ

හදවත හිර වුණේ ඇයිදැයි සොයනු රගේ

අතරමං බව පෙනේ කතරක නිරුවතින් වගේ



ඉන්නේ ආණ්ඩුවෙ බල ගතු තනතුරක

පක්සය එක තැනෙක තනතුර තව තැනෙක

තනතුර මිසක් පක්සය රැක ගනු නොහැක

ඒ ගැන හිත හිතා හිත ලෙඩ වුන ලෙසක



පලාත් සභා තරගෙට පක්සයෙන් දැමූ

කොඩිය ලෙල දෙවා රට තොට නමක් දිනූ

තරුණා කැපී සන්ධානය පෙරට පිනූ

ගමනින් පෙනේ අසුබය පෙරමග ලකුණු



නැගෙනහිර පලාත් සභා තරගය තියුණුයි

දිනුවොත් මග නසී නැතුවත් ගෙදර නසියි

සන්ධානය දිනවන්න කළ යුතු කතා රැසයි

ගිය ගමනත් නොගිය ලෙද හැරවුණ හැටි කදිමයි



පාදඩ දේශපාලනයක සලකුණ දකිනා හින්දා

සුර සැප සහිත මග මිස නැත පංතිය පෙරදා

පක්ෂය - සන්ධාන රැක කට වට වැට බැන්දා

හදවත ලෙඩ - දුර ගමන වලකන ලද්දේදැයි මන්දා



- හිතුවක්කාරයා

Thursday, August 23, 2012

වරා වැව





ගරා වැටෙන්නට යන දෙවොලකට වැද

වරා වැව තනිව කරගෙන බැඳ හාද

ජනී ජනයන්ගෙ දුක ගැන නගන නද

කොතෙක් දුර යා ද නොපෙනෙත බැද්ද මැද



ඔහොම එකතු කළ නයුවන් රට දන්නා

ගැල් බැඳි බාන සේ දර දිය ඇද දුන්නා

උන් ගැල ලිහා තනිකර කතරට පන්නා

තනි මංසල රකින තනි අලියා අද ඉන්නා



ෆොන්සේකා සරත් සිල්වා වැනි රට පිළිගත්

මැතිවරු සිටි මහතුන් ලෙද පුරවා රා බීගත්

රා කල පෙවූ තුමා - රට පෙරලනු නැති නිය දත්

මුට්ටිටය සොයා ගෙන ඇත සුපුරුදු ලෙස කවදත්



දෙදහස් දහ හතරෙ නැවතත් ජනපති වරණේ

එළැඹෙන විට වරා වෙයිරටටම පොදු වරුණේ

වරා පරාජය ව අසරණ වන දින දකුණේ

හලා හල විෂ නැවත පක්ෂයෙ වැඩෙනු පෙණේ



හිතුවක්කාරයා

Thursday, May 31, 2012

හිතුවක්කාර ප‍්‍රශ්නය 4





කොයි ආණ්ඩුවත් එකයි.
උන්ට ඉහලින් යන එකාට කොටන්න....
මර්දනය නැගෙන්නෙ එහෙම. සුදු වෑන් එකෙන් ආවත් මර්වින් නියායෙන් නැගිට්ටත් ආණ්ඩුවේ හස්තය ඒකමයි. මේ කාරණේ තේරුං ගන්න සමාජයට ගැටෙන්න ඇහැකි. ගැටුනොත් විනාසයි. පවතින්න කරදරයක් නැහැ. විපක්ෂ නායකයා අපූරුවට නඩත්තු වෙන්නෙ. සම්පූර්ණ පක්ෂයම නැගිටලා ඇවිත් සිරිකොත ට ගල් ගැහුවත් එතුමා සනීපෙන්. එහෙම වෙන්නෙ දෙගොල්ලොම එකතු වෙලා ජීවත්වෙන ක‍්‍රමයට ඇතුලූ වුණාම.


අවාසනාව කියන්නෙ බුද්ධිමතුන් කියන කණ්ඩායමත් හෙමෙන් දැහැමෙන් මේ ක‍්‍රමයට හේත්තු වෙනවා. අපට දැනෙන්නෙ නැහැ. පත්තර කතෘවරු බවට පත්වෙලා හිටියෙ පතාක යෝධයෝ. එතුමන්ලාට මතයක් තිබුණා. දර්ශනයක් ඇතිව වැඩ කළා. දැන් එහෙම නැහැ. විකමසිංහ ලකුණ පැන නැංග්ගේ විශ්ව විද්‍යාලය එක්ක නෙවෙයි. පත්තරය එක්ක. ජී.බී. අදීනත්වයත් තිබුණෙ එතැන. දැන් ඉන්නෙ ඉස්කෝලයත් ආගමත් අච්චුගහලා විකුණන කර්තෘවරු. මහින්දෙ තමයි ඉස්කෝලෙ. හැබැයි කෝ මහින්දෙන් රටට දෙන දර්ශනය. කතෘවරයෙකු ගේ දැක්ම පොතකින් එලියට පැනලා මහා විලාපයක් වෙන්න අවශ්‍යයි. රට හැදෙන්නෙ එතකොට. අනෙක් කතෘ තුමා දහම් පාසල් පොත ආපහු ලියනවා. බුද්ධ චරිතයේ නොතිබුණ ආශ්චර්යය තවත් යහමින් එකතු කරලා. පොත් විකිණෙන නමුත් රටට දෙන පණිවිඩය මොකක්ද? ලෝකෙ රටේ මහා පුවත්පත් කතුවරු ලිව්වේ මත ඇතිකරන්න. සමාජය වෙනස්කරන්න. පවතින තැනින් ටිකක් ඉස්සිලා බලන්න සමාජය යොමු කරන්න.


මේ මගම යන්නට හදන පැණි වලලූ අපේ අනාගතය ගැන ඉගි කරනවා. මහාචාර්ය ගංගානාත් ඉරිදා ලංකාදීපයට තීරු ලිපියක් ලියනවා. විහ්ව විද්‍යාල ශිෂ්‍යයන් පාඩමට එන හැටි- ජපන් මිතුරෙක් එක්ක ගුවන් තොටු පොලට යන ගමන් අපේ වාහන ධාවනය කරන හදිස්සිය සහ බලංගොඩ මානවයාගේ ගුහාව වගේ මෑතක ලිපි ඇරෙන්න එම ලිපි පෙලේ තිබුණෙ තමුංගෙ විලාසම විතරයි. පහුගිය දවසක මගුල් සංස්කෘතිය ඇති කරන්න රූපවාහිනියේ වැඩ කරන කාලේ දායක වීම ගැන පශ්චාත්තාපයක් ද තිබුණා. වරද වැටහෙන්නෙ පසුවෙලා. පැණි වලලූත් එහෙමමයි. උදා වෙලා තියෙන්නෙ පැණි වලලූ සමාජ හදන්න අවශ්‍ය කාලයක් නෙවෙයි.


ඇත්ත කියාදීපල්ලා. මේක මහා උන්මත්තක ක‍්‍රමයක්. සරදියෙල් රටක්. බලය ඇති එකා හැම තැනින්ම පැහැර ගන්නවා. බලය උන්ට. නීතිය උන්ට. රටට දැක්මක් දෙන ජනතාවගේ පැත්තෙන් හිටිය යුතු කතෘවරුන්ද සේවය කරන්නේඋන්ටමයි. ඉස්කොලෙ කොලොප්පන් ලියලා දෙන එකත් බුදු සිරිත ආපහු පිටපත් කිරීමත් වරද කිරීම හා එයට අනුබලදීම වගෙයි. පැණි වලලූ සමාජ හදන්නෙ ත් එහෙම නොවෙයි කියන්නෙ කොහොමද?


අනේ අපේ රට. රටකට ගිය කල. පැණි වලලූ සමාජ හැදීමෙන් රටට හො`දක් වෙනවාද?




හිතුවක්කාරයා

Thursday, May 24, 2012

ෆොන්සේකා ගබ්සා කිරිම හා පාපයට බියවීම


ඉබේ එළියට එන්න හිටි වීරයා


ගබ්සා කළේ අප මහ රජාණෝ


කලලය ඇවිදිනා අතරේ නගර පුරා


වීදි බසින ජනයා ජය ගොස නගති






උන්නැහේට දීලා ඉඩ පිටු අතර


පත්තර වලින් ඈතට යන එතුමාය


කලින්දා ක්වෙට් එන සතියේ තායි රටේ


එයටත් පහුව ලන්ඩන් වතිකානු යති






බ‍්‍රසිල් යන්නෙ මේ අතරේ කවදාද


නොදන්නා ප‍්‍රශ්නයකි ඇති හිතුවක්කාර


අලාභය ගුවන් සේවේ බිලියන දාහතරයි


පොන්සේකා අනේ ඇතුලෙම හිටියා නං



හිතුවක්කාරයා

Thursday, May 17, 2012

කඩුව ලෙලවමින් ඔටුන්නට නමස්කාර කිරීම






අපි හපනුන්ය දොස් තියනා නොරටුන්ට


එද හද බැතින් නැමෙමුය ඉංගිරිසියට


නෙක ආඩම්බර පපා විරවනමුත් බටහිරට


ගැමි කම ගැමියා යටය - ටයි පටියකට






කිදහස කියන ලෙද රට නිදහස් නැතිය


සිංහල කමට සිංහලයට කෙණෙහිලිය


කඩුව පැන ඇවිත් තෙද නිල බල පාය


නැති බැරි දුකට අප කොන්කරඇති සේය






ආඩම්බරකාර නායකයාණෙනි රටට


නිවහල් රටක වහලෙකු ‍විය හැකි පවට


ගෙන රැහුණේ කඩුව ලෙලවා ඇදගෙන සුදට


ඇයි යන්නේ මගුලට ඉංගිරිසින්ගේ රටට






රැජනගේ ජුබිලියට ඇරයුම හිමිවිම


පස්වන පිරිතියට එක කරැණක් වීම


නඩ පිරිවරින් ගුවනින් ගොස් තුටුවීම


නොවටී කිරට දරැ අඩනා රටක තම




හිතුවක්කාරයා









රන් කඩුව



ටෙලි නාට්ටිය කොටස් සීයයි


වාරණය මෙය දැයි අසනු කවරෙක් ද

 දුම් බොන්න හැකි ගේ ඇතුලේ ම විතරයි


උන්ට කුඩු විකුණන්ට අවසර.. අසනු කවුරැද




ඇවිදින්න පණ නැති දන ඉන්නා රටේ


මොන ඇවිදින මංතීරැ ද මාතර උරැබොක්කට


තමන්ගෙම ගෙල සිද ගන්නටා රන් කඩුව


සොයනා රටක් දෙස බල නිධන් යැයි පොළවකැණ



හිතුවක්කාරයා



Tuesday, May 15, 2012

හම්බත්තොට වරායේ වැලි හිරවෙලාලු






හම්බන්තොට වෙරළ වැල්ලෙන් පිරිලාය


ඒ වැලි ඇවිත් නැව් තොටුපොල බිලිගෙනය


තිබුණ ගල බිදින්නට ආ රැදු කෙසරාන


ඇවිත් බල - ඉවත් කළ මැන වැලි යාය






එම තොටමුණෙන් නැව් ඇවිදින් රට නගන


දින ගැන ඇගිලි ගැන ගැන සිටි අප දුදන


සුබසින් සනසවා ඇති තතු දක්වාන


කිව මැන සබද ඇයි මුව විට වැලි පිරැණ






දකුණේ ඈත යන නැව් ගෙනවිත් රටට


ආශ්චර්යයක පිහිටනු ඇත යයි සිතුවාට


කාර් ගොඩබාන තැනකුත් නොවෙන විට


අනේ නගමු එය ධීවර තොටක් කොට



හිතුවක්කාරයා

හිතුවක්කාර පශ්නය -3



හිරබත් කන පොන්සේකා නිදහස් කරන්නට සූදානමක් තිබේ. ජනාධිපති මහින්ද බටහිර උවමනාවක් නොවන බව කියමින් නිදහස් කරන බවට ඉගියක් කරයි. නිදහස ලැබෙන්නේ ජනාධිපති සමාව සමග වෙන්නට පුලුවන. එහෙම වුණොත් ආයෙමත් ජෙනරාල්ය. හිටපු හමුදාපතිකමේ විස්රාම වැටුපත් ලැබෙන්නට බැරි නැත. දරැවන් දෙන්නා බලන්ට ඇමරිකාවට යන්නටත් පුලුවන. අතුරැදහන්වී සිටින බෑනා මුණ ගැහෙන්නටත් ඉඩ තිබේ. ඇමරිකාවේ ගින් කාඩ් හිමියෙකු අවුරැද්ක්පාසා එය අලුත් කරගන්නට නොගියොත් එය අහෝසි වෙයි. දැනට අහෝසි වෙන්නට ඉඩ නොදී ඇමරිකාවේ අවමනාවෙන් තියාගෙන ඉන්නා මෙම ඇමරිකානු පුරවැසිබව එරටට ගිය සැනෙන් දිනා ගන්නට ද පොන්සේකා මහතාට හැකිවනු නියතය. ජනාධිපති සමාවක් නම් ලැදියාවක් පෙන්වා ඇත. තව කලකට පස්සේ අලුතින් තානාපති කාර්යාල අරින්නට සුදානම් දකුණු අපිකානු රටක තානාපති ධුරයක් ලැබෙන්නට ඉඩ තිබේවිදැයි පැනයකි.

Monday, April 23, 2012

හිතුවක්කාර ප‍්‍රශ්නය -2

ජයලත් ජයවර්ධන නිදුක් වේවා. නිරෝගී වේවා. ජනපති නියමයෙන් හදවත් සැත්කමට ජනපති අරමුදලෙන් ලක්ෂ පණහක් ලැබේවා. මහින්ද විජේසේකරට දුන් හෙයින්ද රෝහිත බෝගොල්ලාගමට ලැබුණ හෙයින්ද සිංගප්පූරුවේ ප‍්‍රතිකාර ගන්නා දුමින්දට කෝටි හයක් හා ඔස්ටෙලියාවේ ප‍්‍රතිකාර ගන්නා කෙහෙලියට කෝටි ගණනක් ආණ්ඩුවෙන් වියදම් කිරීම වැරදි නැත.

අනේ අපේ පුංචි බණ්ඩාගේ හදවත් සැත්කමට හා සුමනාවතීගේ දණ හිස් සැත්කමට ජනාධිපති අරමුදල පිහිට වෙනවාද?

Monday, April 2, 2012

නොකව් - නොදියුණු වෙයව්

යුද බිම දිනූ මහ රජාණෝ
ජිනීවා ජය ගොස නැගූ සකි සඳාණෝ
මහජන හද දිනා - යළි කිරුළ ද දිනූ
ලක එකලූ කළ මෙහෙසුරාණෝ

දන ඉකි බිඳි විළි වැද නසී
කිම නිහඬ වත අප පියාණෝ
එනු පෙරට විත් මහ හඬින් කිව මැන
මහින්දය මම - කරන දේ කියන ජනපති ඳා

බලව මේ නුඹ පැතූ රට වෙද
එහි රඟන උන් ගැන නොදනී ද
අප රජාණෙනි එනු සැණෙන පැන විත්
තොප දරුන් සනසා වහා කිව මැන

මහ රාත්තිරියට කලූවරේ සිට තෑගි දිනුම ද
නොමැරී හිටින්නට සොච්චමක් ඇති වග කියන්න ද
ඩෙංගු පනුවෙක් නිසා හිර බත කන්න වෙන
රටක් හැදුවේ ඇයි ද වනසා රුදුරු කොටි රැළ

රටේ වත්කම් නොවිකෙනා බව සැබැයි
ඒවා රකින්නට දනන් බදු ගෙවන සිරිවත් රටක්
නැව් තොටු තනා - තොටුපොළ ගුවන් තනනා
නමුදු එහි ඇයි නොඑන්නේ එක රුවලක්වත්

බදු බර දමා පාගා මඬින දන සොවින් දත කන දිනක
පාන් හෙම නොකව් නොබොව් පැනි බීම යැයි ද
නොගනිව් ඉන්දියන් වාහන කියමින් බදු ද පනවන
රටක් හැදුවේ ඇයි ද යළි කියන් විත් පෙරට අද

කැළණියේ සිටිය යුතු සිරිමතුන්
නාගරික මන්ත‍්‍රි ය කොළොම් පුරවර
යම පුරයට මග කියන ගුණමකුවන්
අගතියෙන් සරසාය වැඩ සිටි බිම බුදුන්

කැන ලය අසි පත සොයන මහ සඟ මරන නිලමේ වසන
කුඞ්ඩන් ළඟට ගෙන උන් කරන බිහිසුනු බව ඉවසන
තැන තැන සොරුන් - උඩ ගෙඩි දෙන රට පහරන
අද වඩා බිහිසුණු සොවින් - දැක වැනසෙන ලක්මවුන

හිත සේ ආවඩා - ආයුබෝ වේවා කියන
නුඹ ජන හිඳී අත ලෙහි බැඳී සිතින
අතැඟිලි ලිහී පසැඟිලි ගුලි වෙනු කලින
මේ බව දකිනු - බැස යනු අසුනෙන් නැතින

- හිතුවක්කාරයා

නොකව් - නොදියුණු වෙයව්

යුද බිම දිනූ මහ රජාණෝ
ජිනීවා ජය ගොස නැගූ සකි සඳාණෝ
මහජන හද දිනා - යළි කිරුළ ද දිනූ
ලක එකලූ කළ මෙහෙසුරාණෝ

දන ඉකි බිඳි විළි වැද නසී
කිම නිහඬ වත අප පියාණෝ
එනු පෙරට විත් මහ හඬින් කිව මැන
මහින්දය මම - කරන දේ කියන ජනපති ඳා

බලව මේ නුඹ පැතූ රට වෙද
එහි රඟන උන් ගැන නොදනී ද
අප රජාණෙනි එනු සැණෙන පැන විත්
තොප දරුන් සනසා වහා කිව මැන

මහ රාත්තිරියට කලූවරේ සිට තෑගි දිනුම ද
නොමැරී හිටින්නට සොච්චමක් ඇති වග කියන්න ද
ඩෙංගු පනුවෙක් නිසා හිර බත කන්න වෙන
රටක් හැදුවේ ඇයි ද වනසා රුදුරු කොටි රැළ

රටේ වත්කම් නොවිකෙනා බව සැබැයි
ඒවා රකින්නට දනන් බදු ගෙවන සිරිවත් රටක්
නැව් තොටු තනා - තොටුපොළ ගුවන් තනනා
නමුදු එහි ඇයි නොඑන්නේ එක රුවලක්වත්

බදු බර දමා පාගා මඬින දන සොවින් දත කන දිනක
පාන් හෙම නොකව් නොබොව් පැනි බීම යැයි ද
නොගනිව් ඉන්දියන් වාහන කියමින් බදු ද පනවන
රටක් හැදුවේ ඇයි ද යළි කියන් විත් පෙරට අද

කැළණියේ සිටිය යුතු සිරිමතුන්
නාගරික මන්ත‍්‍රි ය කොළොම් පුරවර
යම පුරයට මග කියන ගුණමකුවන්
අගතියෙන් සරසාය වැඩ සිටි බිම බුදුන්

කැන ලය අසි පත සොයන මහ සඟ මරන නිලමේ වසන
කුඞ්ඩන් ළඟට ගෙන උන් කරන බිහිසුනු බව ඉවසන
තැන තැන සොරුන් - උඩ ගෙඩි දෙන රට පහරන
අද වඩා බිහිසුණු සොවින් - දැක වැනසෙන ලක්මවුන

හිත සේ ආවඩා - ආයුබෝ වේවා කියන
නුඹ ජන හිඳී අත ලෙහි බැඳී සිතින
අතැඟිලි ලිහී පසැඟිලි ගුලි වෙනු කලින
මේ බව දකිනු - බැස යනු අසුනෙන් නැතින

- හිතුවක්කාරයා
හිතුවක්කාර ප‍්‍රශ්නය 1

විදුලිය බල මණ්ඩලය විදුලිය ගාස්තු සියයට තිහකින් වැඩි කළේය. ඉන්ධන ගැලපුම් ගාස්තුවක් එකතු කරමින්ය. දැන් අදුරේ සිටින්නට හැකියාව ඇත්තේ එස්.එම්.එස්. වාසනාවන්තයින්ටය. විදුලිය පරිභෝජනය සියයට විස්සකින් අඩුකරන පාරිභෝගිකයන්ගේ ඊළග මාසයේ විදුලිය බිල ගෙවිය යුතු නැති හා සියයට දහයකින් අඩු කරන අයට ගාස්තුව සියයට පනහකින් නිදහස් බවට විශාල ප‍්‍රචාරයකි.

ඇමතිතුමෝ ගාස්තු අඩු කර භාවිතා කරන හැම කෙනෙකුටම මේ එස්.එම්.එස් ලොතරැයිය ඇදෙනවාද? නැද්ද? ලොතරැයියක් මිලදී ගත් කෙනෙකුට එහි ජයග‍්‍රාහකයෙකු වෙනවාට වඩා ඔහු හදිසි අනතුරකට ලක්වීමේ සමභාවිතාවක් ඇති බව ලෝකයේ පිලිගත් සොයා ගැනීමකි. මේ එහෙම ලොතරැයියක් ම නේද?

Wednesday, February 8, 2012

සීනි හෙම නරකා - හිටු අප කියන විලසා

තොපිට - සීනි නරකයි අගුණයි
නොකා හිටියොත් ගුණයි
ලෙඩ හැදෙයි හැදුනොත් පිං බෙහෙත්
ගෙවන්නට වෙන්නේ ආණ්ඩුවටයි

අපිට හැං බේකන් ගුණයි
කෑවොත් තෙල වැඩෙයි ජව ඇතිවෙයි
ලෙඩ හැදුනත් බෙහෙත් සිංගප්පූරුවෙන්
ගෙවන්නේ ජනපති අරමුදලයි

හිතුවක්කාරයා

Wednesday, January 18, 2012

2012 ජනවාරි 18

දවස් දහ අටකට පසු
දැනෙනවාද අලුත් සුළඟක වගක්
ගම් බිම් පෙරළා ගෙන එන පරණ හීගතුව මිස
නොදැනෙන්නේ මන්ද නැවුම් පුස්ඹක්

ප්ලාස්ටික් කූඩ ඒ අතර මැද ඊටිඒෆ් පණත
ඉන්දියාවෙන් ඇවිත් දහතුන ගැන කතා
අධ්යායපනය නොවිකුණව් - කඳුලු ගෑස්
හැප්පිලා තුවාලයි ඉස්කෝලෙ දරුවන්

අයිඑම් එෆ් එකත් එන්න සූදානම්
සුදුලූනු බදු වැඩි කරලා සිනි එක්කම
පඩි වැඩි කරව් තර්ජන එතැනින් මෙතැනින්
දොරින් දොර සොයයි දරුවන් අගුලුලා සරසවිය

කොල පාට රතුපාට නිල්පාට උන් උනුන්
එකිනෙකා අලුත් සුළඟකට ඉඩ නොදී අවුරයි
දැල් බඳියි මග සිඳියි නයුවෙකු එතැයි
කගින් අතු පතර බිඳ - එන සුළඟ වළකනු පිණිස

හිතුවක්කාරයා