Pages

Thursday, August 11, 2016

ප්‍රහාරක ගුවන් යානා අටක්


රටේ යුද්ධයක් නැති එක ගැන පාලුවට
ෆයිටර් ජෙට් අටක් ගන්නට යනවාලු
උතුර නැගෙනහිර හැර අන් හැම තැනට
ඛෙදලා දුන්නනම් ඒවා බොහොම වටී

වැට් බද්දට එහෙම නැත්නම් බඩගින්න
ඉවසා ගන්න බැරි මිනිසුන් නැගෙන විට
ක`දුළු ගෑස් රබර් උණ්ඩ මදි හින්දා
ජෙට් ගෙනැවිත් තියමු හදිසියකට ගන්ට

උණ්ඩෙන් පවා හොරකම් කළ ආණ්ඩුව
පරාජය කරන කොට කව්වේ මෙහෙමයි
සාමය සතුට ඇති මෛතී්‍ර පාලනයක් 
එහෙව් එකේ මොකටද මේ ජෙට් යානා

ඒ බස් දහය ශ්‍රී ලන්කන් ගන්නකොට
ඒවා ඇතුලෙ සැප කාමර බව පෙන්නා
අනේ අපොයි කියලා දෙස් තියපු අපි
යුද නැති රටට කොහොමද දෙස් ඉල්ලන්නේ

Thursday, July 21, 2016

කිරිඇල්ල



දිනන්නට උදව්කළ තම        උන්නැහෙලා
උපදේශකවරු හැටියට            පත් කරලා
එකක් දෙකක් නම් හිටියැකි        ඉවසාලා
පනස් හතරක්ය රටට - කළ පව්    පලදීලා


එකෙක් බැගින් ආවොත් උපදෙස්   දෙන්න
දෙකක් මාස ගතවෙයි නිසැකය       ඔන්න
මොකක් නමුත් නරකයි වෙන්නට දෙන්න
රටක් වටින යහ තීරණයක්             ගන්න

ආයා කටු ගැහුම බල්ලන්                     නෑවීම
කලින් එකාලා වෙනුවෙන් කළ              සේම
මෙකල උපදේශකයන් කළහොත්   එහෙම
පලක් නැත රෙදි ඇඳන් කරනා       විලි වැහුම

මැදවච්චිය - ඔ්න ගොනෙකුට     යුද කෙරුම
කළ හැකි බවට වාචාලව බස්            දෙඩුම
කැම්පස් එකට අත පොවලා       ඇන ගැනුම
සම කළ නොහැක මෙව්වා    තනිකර කරුම

Friday, July 8, 2016

රට වේලට බුදිති


අනේ බලන් හිටියේ රට සැනසෙන්න
විනේ තුරන් කර සතුටින් නිදියන්න
ඇසේ තැනින් තැන දුක ජනයා වි`දින
අනේ දෙවියනේ මේ අප රැක ගන්න

උනුන් කෑ කොටා ගෙන යහතින් ඉ`දිති
ජනයා එකයි උන්නත් සැප උන් වි`දිති
මෙතුවක් එක පිලක් හැටියට හිටියේ කැමැති
දැන් බල දෙපිල තුන් පිල රට වේලට බුදිති