Pages

Monday, November 29, 2010

මුරුගසංවරුසා

කෙත් වතු පාලු කරමින
නිසි කල වැසි වැටෙන
දූ දරුවන් තෙමන
හිමි - කරවටක් බැස ගෙදර එන

අසෙනි ඉල්ලා යාදිනි යදින
තැන - තැන හෙණ ගෙඩි පුපුරන
සුදු මුදු දුම් පතුරවමින්
සෙත් පතන - දිග් විජය ඉල්ලන

බණ දෙසන මුත් බණ නොඅසන
දන මන අනුව වැඩ කෙරෙන
බව පෙන්වන නමුදු- කිසිවිටෙක
උන් විනා පෑගෙන අප නොතකන

කෙත් වතු සාර වුව
බව බෝග සැප සම්පත් පැතිරෙත
කුරා කුහුඹුවෙකු ද නොනසන
මනරම් දිවයින එව කව බොව නටව



හිතුවක්කාරයා

Friday, November 26, 2010

ජ්‍යෙශ්ඨ නායකයා

අනේ අපිටත් රජෙක් හිටියා නං
සෙමර සලංඤ
මෙහෙවර කරංඤ
හත් දොහක් තනි රකිංඤ

හිත විකාරයි වගේ .....
ඉන්නේ ජ්‍යෙශ්ඨ නායකයෙකි
රට ගියත් - ගමින් ගම ඇවිද්දත්
හෙම්බිරිස්සාවක්වත් හැදෙන්නැති


- හිතුවක්කාරයා

Sunday, November 21, 2010

අපේ කාලයේ වීරයා ගේ කතාව

පාන් කන්නත් එපා
හිඟා කන්නත් තහනං
වැඩියෙන් පඩි දෙන්නත් බැහැලූ
කැසිනෝ නැහැ අරහං

බවුන්ඩෙරියේ අටවං හිටිය ගේ කැඩුවා
පේමංටෙකේ වෙළඳාම තහනං කළා
හොරෙං ටී වී එක බලන කොට
කලූ කොටු දමා ඒකටත් ඉඩ ඇවිරුණා

ජෝඩුවක් පෙං කළොත් ගිහින් කූඩුවෙ දැම්මා
බලා හිත හදා ගත් වෙබ් අඩවි මැකුවා
අහිංසක කෙල්ලංගෙ පින්තූර දාලා
ඇහැ බැඳං හිටි යුක්තියේ රෙදි කැඩුවා

පාරෙ සිකැරැට් උරන්නත් බැහැ
මතට තිත නෙව කොහොම බොන්නද
ටිකක් තදවෙන හිත හදා ගන්නට
කැසිනෝ නැව මාගමිං එනකං බලං ඉමු

-හිතුවක්කාරයා

Thursday, November 18, 2010

අන්තරේ නෙවෙයි අනතුරේ

විශ්ව විද්‍යාලයේ අරගල
අනේ අපි නෙවෙයි
කියන්නට කලින්
අන්න එහෙමම
ගැහුවා පොල්ලෙන් ලේ හැලෙන්නම

හිතුවක්කාරයා

Thursday, November 11, 2010

පදවි පරා ප්ති පුණ්යානනුමෝදනා

හෙල්පිං හම්බන්තොට -කියා හංවඩු ගසද්දී
මිනිසුන්ගේ හිත දිනූ මිනිසාය

තැන තැන නැගුණ වෙඩි හඬ ද මර බිය ද නිවා
හද ගිනි නිවූ දේශයේ මහරජාණන්ය

මහරජාණන් නොව මා රටේ භාරකරුවා පමණි
සිහලෙන් ද දෙමළෙන් ද කතා කළ -විරුවාය

රට දිනන්නට අතින් අත බැඳුන ජෙනරල්ට වරය දී
නිබයව ජනපතිවරණයට කැඳ වූ අපේක්ෂකයාය

පරාජය අත්විඳි පතිවාදීයා මැඩ- දිනූ තරුපටි ලිහා
සිර ගෙයක රඳවන අණ අත්සන් කළ ජනපතිය

දරුවන් ගෙන වඩා සෙනහසින් සිප වැළඳ
නිබඳ දුක සැප සොයන නිරිඳාය

ඔහු කෙරේ පක්ෂපාතීන් වට වී දරු රකින ලෙද
අසැබි වෙබ් - මඩ නාන විට සිනාසෙන සේය

බේද හැර එක රටක්- එක දේශයක් බව කියත
එද සියලූ පක්ෂ බිඳ තම බලය පතුරවන වෙර ගනිත

යුධ අධිකරණ පනවන බව කියා එඩි නසන මුත්
ලොව පුරා අබිමානයෙන් සැරිසරන ලකිසුරුය

රුහුණු රට මුහුදු තෙර කළඹවා වෙන වරායක් තැනූ
එහි පළමු නැව යවා කුරහනින් සනසවන මිනිසාය

අත්තල නගා හිනැහුන දනන් වෙත රවා නොසැලී
මත්තල ගුවන් තොට ඉදි කර එයින් නැගෙනා -නරපතිය

මතට තිත බව කියා හෙළ උරුමය සමග රට ම කැළඹීය
ඒ හෙළ උරුමයම කැසිනෝ වෙනුවෙන් බිලිදුන් නායකයාය

එහි මහා සෝබනයක් ඇතැයි කීවත් නොසැලෙනා සේ
ගමින් ගම යමින් දුගී දන වෙත නැමී දුක අසන දිනිදාය

මම මටය මමම හැර වෙන යමෙකු නැති වෙන ලෙසට
දහ අට ගෙනා එහි ජය අතට ගත් ජනපතිය

මෙවැනිම ගමන්ආමර් වීදිය තෙක් ගිය රජුන් දැක
මහ මග කිරිබත් පිසූ දන වෙසෙන රට ම බව දන්නීද?

-හිතුවක්කාරයා

Friday, October 29, 2010

අබිමන් සිරිලංකා

ලෝකෙන් උතුම් රට
බුදු ගුණ ගයන හැම විට
වැසියන් කිසි ලෙසට
දහම පිළි නොගනීය කමකට

හැසිරෙන ලෙස පියුම්
දන නිති කරති පින්කම්
තැන තැන තැබෑරුම්
මත කෙරෙති වැඩි වෙළඳම්

මසට ලොල් මිනිසුන්
කා බී ලෙසින් තිරිසන්
වනසන දැයේ අබිමන්
වෙන කොහි වෙත්ද විමසන්

අනෙකුන් නැගෙනු දැක
ඇද බිම දා මිසෙක
සැනසෙනු නැති විටෙක
පවතිනු ඇති ද නැග්මක

ජරපත් මහල්ලෙක්
ගැබිනියක් දරුවෙක්
දෙස ලය නොවෙන වක්
දනුය එය අපගේ ම හැටියක්

ගෙයි කුණු එකතු කොට
හොරැහින් මගට දැමුමට
විලියක් නොමැති විට
දුක කුමට පවසනු ද අනුනට

මහ මග නීති නොතකා
තැනින් තැන බැස පොරකා
හැසිරෙන තලා අනෙකා
උපා දෙයි දරුවන්ට නිසැකා

තමන් අත ඇති යුතුකම
ගැන නොසිතනා නිතරම
අයිතිය ගැන ම විමසුම
අප රටට පමණක් උරුම කිම

සොබා දහමින් ලැබුණ
අනගි සම්පත් වනසන
ගොරහැඩියන් වෙතින
කෙසේ සුරැකේ ද මතුදින

අනුකාරක මිසක්
යමක් නිපදන වගක්
නොපෙනෙන විට රටක්
නැගිට කවදා වේ ද එළියක්

පැරණි ගති දා ඉවතට
අලුත් අදහස් ගෙන හිතට
බැඳී අත එක ලෙසට
නැගී ආවොත් මේ යැ අප රට


- හිතුවක්කාරයා

Tuesday, October 26, 2010

විශ්ව විද්යාලය

ගනිවු යමවු පොත විසිකර ගනිවු පොලු
දමවු ඉවත හැඳිවත නොමවෙන ලෙද කිලුටු
අඳිව් නිවට තිරිසන් ලෙස තුටු පහටු
මරවු කොටවු වනසවු අනෙකෙකුගෙ බොටු

රටක් වටින දරුවන් ඇවිදින් මෙහෙට
තුටින් යමක් දැන සැනසෙනු මිස හෙටට
ලෙයින් උපන් හැඩියන් වැනි බර පවට
කුමට බිහිවිණි ද දරු - ඇදුරිඳු ලෙය ලොබට

තුමුල බලැති සිහ කුස ගිනි නැති කලට
වනේ සරන සත නොගනිති බිලි ලෙසට
යහපත් මිනිස් වග ලෙස පෑයූ රටට
අකුරු පැස තබා උගනිති දරු - මජර වැඩ

සෙනේ ඇතිව එක හිත් ඇතිව හැසිරෙනා
සුදුමුදු සුවඳ මල් සේ විකසිත වෙමිනා
රටට දැයට යහපත් ගති ගුණ ගෙනෙනා
දරුවන් කෙසේ ඇති වෙද මව් බිම මතුදා


හිතුවක්කාරයා

Thursday, October 21, 2010

ආදරණීය ජනතාවනි ආරක්ෂාවන්න

ලියන්න එපා – කතා කරන්නත් එපා
ඇයි එහෙම කියන්නේ යැයි අහන්නත් එපා
දෙන දෙයක් කාපල්ලා
පෙන්නන දේ බලාපල්ලා

වෙන දේ ගැන හිත්නට කුමට වෙහෙසක්
නෙවෙහෙසී බර හිත දරාගෙන හිටපන්
පෝස්ටර් ගහන්නත් එපා
කියන්නට යමක් ඇත්නම් පමණක්
නම ද ගම සහිතව පින්තූරයත් දී
චිප් එකක් අරගෙන කණ පිරෙන්නට කියාපල්ලා


- හිතුවක්කාරයා

මේ ලිපිය අවසන් කරන්නට ජූලියස් ෆුචික් විසින් ලොවපුරා සැබෑ නිදහස පතන ජනතාවට සිය අවසන් පණිවුඩය ලෙස ලියූ වැකියක් ගෙනහැර පෑම වැදගත්ය.- Chandana Sirimalwatte - https://sirimalwatte.wordpress.com
‘ආදරණීය ජනතාවනි, මම ඔබට ආදරය කරමි. ඔබ ආරක්ෂා වන්න!’

Tuesday, October 12, 2010

මර්වින් හා දුමින්ද ත් නිදොස් නිදහස් පොන්සේකා හිරේ

ගස් බැන්දේ අපේ එකා උගෙ රෙදි කඩ කඩා වරෙව්
අඹු ගෙ බාල නැගෙනිය ගත් උහු රෙද්දක් ඇන්න වරෙව්
සාප නොකර බිම වැතිරුන යුධ විරු පිළි එකතු කරව්
තුලාව ගත් අඩ නිරුවත් ගැහැනිය බිම හෙලා බඳිව්


හිතුවක්කාරයා විසිනි

Tuesday, October 5, 2010

මැගසින් අධි ආරක්ෂක කුටියේදීය

ඇහි බැම සැලේ කඳුලක් බර වුන කලට
අඳුරක්බව පෙනේ මම ඉන්නා අවට
සුසුමක් වෙලා පාවී ඈතට යන්ට
මම කවි කරමි දැනෙනා දුක හදවතට

තරු පටි අහිමි හිමි ජම්පරයක කිලිටි
පෙනුමෙන් කියයි වග ඉවතට හල දැහැටි
පූජාසනය වෙත යන මග නොම විය බුහුටි
දෙවියන්නැති බිමක සැනසෙමි අසරණව වැටී

දිය බඳුනක් ගෙනැත් සෝදා කළ කළඑළිය
සිර කුටියෙම පිහිටි අබලන් වැසිකිලිය
බත් පත බෙදන හොදි ඉහිරෙන බුන් තැටිය
මේ උරුමය පතා දෝ රට මට දුන්නේ එඩිය

මධුවිත සාද තෙපුලෙන් බර ඒ දවස්වල
යුධ බිම සටන් පෑ විකුමන් ගැන තෙපුල
එතුමන් සමග සිටි පිරිවර අසන කල
හැඟුමන් දැණුන පිරිපුන් හිත නැහැ මෙකල

අඩියෙන් අඩිය කොටියන් සිටි බිම ඇල්ලීය
රජු දෙපතුල තබා සිඹ අත පා පෙන්වීය
එදවස නොවේ - අප දෙදෙනෙක් එක හිතය
එක පත කෑ නමුදු ඔහු රජු - මම සිරකරුය

සිර කඳවුරේ බර වැඩ නැති වෙලාවක
පැදුරේ වැටී ලියනා කඳුලින් කවක
අවසන් තිතට පෙර කඩදාසියෙ කොනක
සතුරා ගැන ලියමි මිතුරන් නැති විටෙක


0-22032 - පොන්සේකා


- හිතුවක්කාරයා විසිනි

Tuesday, September 28, 2010

රනිල් ගේ සෙත් කවිය


බල තෙද ගුණැති අනුහස් ඇති සුවාමිනේ
හල මැන දිවැස කරුණා සිත ඇති පෙමිණේ
විල සට හිටිය මුත් සිරිලකට පා සෙනේ
ගල ගණ්ඩයෙන් මා සිරවුණ බවක් දැනේ

බල සුබ නැකැත් එනතුරු මග ජය කැන්දා
නිල තල දැන උපා වෙහෙසින් විඳ නින්දා
විල වැද මඩෙහි ලැග විඳිනා ලෙද ගිජිදා
කල බල නැතිව සූවිසි වසරක් වින්දා

පල නොකියන සකියෙකු පක්ෂයට නැත
කල පෙර භවයකදි පවු මිස අද වරද නැත
කුල ගොත් පැරණි දොස් හෙම දා ඉවත
දළ ඇන බිම යදිමි සුරකිනු මගෙ දෙඅත

දොළ ඇති නමුත් රජ වෙන්නට ලක් දෙරණේ
කෙල වර බවක් නොපෙනේ මිහිඳු පාලණේ
නොල දත් දිනෙක ජනපතිකම හිමි සඳුණේ
කළ පින් මදිද ඉන්න මෙහෙමම සදා අනේ



හිතුවක්කාරයා

Sunday, September 26, 2010

සංවේදී නිව්යෝක් ගමන

අමු අමුවේ දොස් කිව්වා - වහසි බස් දොඩා බැන්නා
ආක‍්‍රමණ විපත් හදන රකුසෙක් බව පෙන්නූවා
එහෙව් රටින් උදව් එපා - බටහිර ගැති නැති යුගයක්
හදන වගක් අපට කියා උදම් රළ වගේ නැගුණා

රළ වෙරළට ඇවිත් හැපී - වැලි තල මත පෙණ නංගා
හෙමින් සීරුවේ ආයෙත් දියඹට බලා ඇදී ගියා
අපි දත්මිටි කන අතරේ - කණ කොක් කිරි සුද පෙන්නා
මෙහෙව් රටේ මැති ඇමතින් රජ බිසොවුන් නැව් නැංගා

කිරි පුස්සා වැට කැඩුවා - අනෝරා වැසි වැටී තෙමුණා
වක්කඩ අහලම ගැවසුන තිත්ත පැටවු ඔලොක්කුවට උඩ පැන්නා
කග ලෙලවා වැනූ සුරත ලිහී - දෙදණින් වැටුණා වාගේ
සුරපුර මැවුන බටහිර අහසේ - මුතු කැටය කඳුළකින් වැහිලා


- හිතුවක්කාරයා

Wednesday, September 22, 2010

අහිමි වීම

තාරුකාවක් වගේ දිළිහුණ කඳුලු කැටයක් කඩා වැටුණා
අපේ හිත් එකිනෙකට පැටලී තිබුණ උණුහුම බිඳුණ දා
පැහැබර අහස වාගේ පැතිරුණ හිනා රුල් ඉක්මනින් වියැකුණා
වෙන්වී ගියා වැහි පොද මැදින් කලු අන්ධකාරය පතුරා

නික්ම ගිය මොහොතේ දී ය දැණුනේ
සෙනෙහසක් කොතරම්ද අගනා
හිත අද්දරම දැවටුන හිතක සැනසුම
අහිමි වී ගිය සුවඳක්ම මිස අනෙකක් නොවනා

හිත පාරනා සුසුමක වෙලී ඝන අන්ධකාරය ඇදෙයි
නෙක හීන අහලින් යළි යළිත් පෙනී පෙනී නොපෙනෙයි
උණුහුම යැයි හිතා දැවටෙන මතක මිහිරක විනා
රන් මුදුව හිමි නමුත් ඒ මගේ හීනය නම් නෙවෙයි

Wednesday, September 15, 2010

සිව්රියන් හාරන්නෝ හෙවත් පොලීසිය

කාකි වෙස් ගනිති තද හිත් ඇති යක්කු
අත පය බඳිති මුවගුලු ලා තඩි බාති
සිඳිති බිඳිති නිති ජඩයන් ලෙස වෙසෙති
අප හිස නමති රැකවල්ලන් යැයි කියති

වනේ වෙසෙන තිරිසන් ගති අති නාරී
කුලේ මිනිස් බව නොදනිත්දෝ මෙම රිරී
උතුම් මිනිසුන්ව ගෙන ගල ගහලයන් සරී
යැපෙන උන් පමණක්ම ඇයි දෙයියනේ හරී

සැක කරුවන් එල්ලී කූඩුවෙ මැරෙනා
නිල බල අධමකම තරු පටි මැද දිලෙනා
පවුකාරයන් වී මිනිසුන් මැද වෙසෙනා
මෙම නිලකාරයන් වනසනු දැන් ඉතිනා

වනේ සතුන්ටත් සදහම් නීතියක් ඇත
ගහල නිල මැරයන්ට ඒවා වගක් නැත
මරණය පෙනි පෙනී යුක්තිය සොයා යන
මිනිසුනි වල කණින බැලයෝ එහි වෙසෙත

--හිතුවක්කාරයා http://hithuwakkaraya.blogspot.com

සහතිකයි - මම ලියූ කවියකි

හිර ගෙදර හිර කඳවුරෙ පොල් ලෙලි තැලූ හිරකාරයන්
රට පුරා දෙස් දෙවොල් දී බැන අඬ ගැසූ පිළිමලුන්
එතෙරින් ඇවිත් රට ගැන හොයා උප දෙස් දෙවූ සුද්දන්
එතැනම ලැගී පන ගැට ගසා ගෙන ඔජ වඩන බත් බැලයන්

මහ මගුල් බව හුවා දනට බත් වඩා දුන්නේද නුඹ ම ය
වැඩිම වැඩි ලෙන් ගතු බවක් පෙන්නා දරු වැඩූවෙ ද නුඹ ම ය
අතින් ගෙන කරට අත දා මහා හිනාවක් පැතුරුවා නුඔ ම ය
ඉදින් මාහ ට පෙනෙන්නේ නැති - කොතැනක ද මෙම සතර අගතිය

සුවෙන් බර සුපෙම්බර දනෝ නිති පසුවෙනා
සුපින්වත් ගුණ දහම් රට පුරා පැතිරෙනා
කලට වැසි ඇති - දනට නිති කිති කවා සනහනා
අයෝමය රජු නුඹය ආයුබෝ වාසනා

Monday, September 13, 2010

හිතුවක්කාරයාගේ අසෝබන කතා - 2 - නායක තුමා හමුවීම

හිතුවක්කාරයා පිටකෝට්ට හන්දියේ ඇවිදගෙන යනවා. මෙන්න තියෙනවා අද අදින ටිකේට්. ලක්ෂ එකසියාසූවයි. ආ එන්ඩ ගන්ඩෝ කිය කියා හාදයෙක් ලොතරුයි විකුණනවා.

‘‘මෙතැනින් පෙට‍්‍රල් ගත්තා. ගිනි තියාගත්තේ අතන. එන්ඩ අදයි වාසනාව. එයාලගේ අවාසනාව. අපේ වාසනාව ටිකට් ගන්ඩෙයි.‘‘ ලොතැරුයි කාරයා ටිකට් විකුණන්නේ පරණ කතාන්දර මතක්කර කර.

හිතුවක්කාරයා පාර පැන්නා. අහුවුණේ සෙනග තද බදේකට. තල්ලු වෙවී ගිය හිතුවක්කාරයා නතර වුනේ පක්ෂ කාර්යාලය ඇතුලෙ.

තාමත් හිනාවෙවී ඉන්න නායකතුමා හිතුවක්කාරයා ගෙ ඔහොම මෙහෙම.

‘‘ආ....බොහොම කාලෙකින් දැක්කෙ. ‘‘ උන්නැහේ පළමුවෙන් කතා කරන්න පටන් ගත්තා.

‘‘ එහෙමයි...බලල යන්ට කියල ආවෙ.’‘

‘‘ එහෙම් ම ගිහිල්ල බැහැ. යමු.... අපි කහට කෝප්පයක් බොන ගමන් කතා කරමු.’‘ නායකතුමා ගෙන් තේ කෝප්පයක් බොන්න හම්බ වුණා නම් පක්ෂය දාලා ගිහින් ආණ්ඩුවට එකතු වෙලා එදා වේල නැතුව ඉන්න සෑහෙන පිරිසක් අද මෙතැන නේද? කියල හිතුවක්කාරයාගේ හිතට ආවා.

‘‘ ඔබතුමා එදා කලු කොට් ඇදල හිටි දවසෙ හරි හැඩයි’’ හිතුවක්කාරයාට කියැවුණා.

කතාවක් නැහැ.

හැබැයි එයිට යටින් සුදු කමීසයක් නොවැ ? කට තියාගෙන ඉන්න බැරි හිතුවක්කාරයා තව ප‍්‍රශ්නයක් අතඇරියා.

‘‘ මෙහෙම නෙව. මම කිව්වෙ කලු අදින්න කියල. මමත් ඇන්දා. මාව අන්දන්න හිටි ඈයො සුදු ඇන්දා. මම එවුන්වත් ඇන්දුවා. මම කලු ත් නෑ සුදු ත් නැහ්. තේරුණා ද? නායක තුමා ඇහුවෙ පුටුව දිහාට අත දිග් කරන ගමන්. හිතුවක්කාරයා වාඩි වුණා. නායක තුමාත් හරි බරි ගැහිලා වාඩි වුණේ දිග කතාවකට මුල පුරන්න.

මුලු කාමරය පුරාම රාමු කරපු පින්තූර. නායක තුමා නායකයන් එක්ක ඉන්නවා. කතා කරනවා. අතට අත දෙනවා. පරණ නායක නායිකාවෝ. දැන් ඉන්න අය. මේ රටේ අය. පිටරට අය. බිත්තිය ඓතිහාසික කතාන්දරයක් වගෙයි.

‘‘ ඔය ඔක්කොම වැදගත් දේශපාලන අවස්ථා තේරුණාද? ‘‘ නායක තුමා මගේ අවධානය අවබෝධ කරගත්තා.

අන්තිම කෙළවරේ රටේ නායකයා එක්ක උන්නැහේ ඇවිදගෙන එන පින්තූරයක්. අපේ නායක තුමා කෝට් ඇදලා. රටේ නායක තුමා ඉන්නේ එක්සසයිස් ඇදුම පිටින්. ‘‘ඔබ තුමාව අන්දනවා කියල හොදටම දැන දැනත් විධායක අගමැති කමක් ගැන කතා කරන්න ගියේ මොන හිතකින්ද? දැන් බලන්න ඒ සෙල්ලමෙනුත් තමුංගෙ දහ දොලොස් දෙනෙක් නැතිවුණා නෙව.‘‘ ඒ පින්තූරෙ දිහා බලාගෙන හිතුවක්කාරයා කතා කළා.

‘‘ මෙහෙම හිතන්න. එයාල ගියා. තව තව තරුණ බලවේග එකතු වෙනවා. අපි ප‍්‍රජාතන්ත‍්‍රවාදීයි. ඒ වගේ පවුල්වාදී ඒකාධිපති වියරුව මට නැහ්‘‘ මෙතුමා කියනවා.

එතකොට හිතුවක්කාරයා ඇහැව්වෙ ‘‘ ඔබතුමාට ජනාධිපති වෙන්ට අදහසක් නැද්ද?‘‘

‘‘ පුහ්..... එයා එහෙමම හිටියාවෙ. දැන් මමත් මෙහෙමම හිටියාවෙ..... කහට එක බීලා උන්නැහේට මෙහෙම හිටින්ටත් පුලුවන් දැන් මෙහෙත් කවුරුවත් එහෙමටම නැහැ නෙව......’‘

සීනි ටිකක කටට හලා ගත්ත හිතුවක්කාරයා පාරට පැන්නා. සාත්තර බණ්ඩාරට කියලා කේන්දරය බලාගත්තොත් හො`දයිහිතුවක්කාරයාට හිතුනා. ‘‘තරුණ බලවේගයකට නවතින්න තැන‘‘. ආපහු හැරිලා බලපු හිතුවක්කාරයාට කියැවුනේ නෑ. කල්පනාවට ආවා විතරයි.




Sunday, September 12, 2010

ශ්වේත රාත‍්‍රිය

ඈ විලාසිනියකමැයි - අප නොදන්නා වග දන්නා
නොවී ගොදුරක් වී කරනු කෙලෙසක යැයි දන්නා දඩයම්

මහ රාත්තිරියක් උදා වෙන බව පෙනෙන මොහොතේ
අවුලවන ගිනි වැට අතරින් බලන්නී ආලෝකයක්

හමන පවනට නොදා පාවෙන්ට වියලි තණ පත්
සුලං හමනා දිසාවට ඉව අල්ලන්නී ලත් සහජයෙන්

නැන නුවණ වැඩී ඇති මුත් අප ද ලපටි තණ ගිරවුන්ය
පනින්නී දැක දැකත් ඇවිලෙන සොඳුරු ගිනි දැල් වෙත


විටෙක ඇය වැඩී ආ ගොර බිරම් දේශයක වීරවරියයි
මාරාවේශයෙන් සිටින මැරයන් හමුවේ සුදුවත හැඳ සිටි

රට ම ආවේශයක හෙලුවේ මන්ද - දැන දැන එ මැරයන් හමුවේ
දස දහස් තරුණන් ජීවිතය විඳි න්නට පෙර මිය යන බව

එයින් පසු පැරණි කවි වැල් ගෙන ගොතා මාලා පළඳවා ගත්තී
අනුන් එය කරනා විට දොස් පරොස් නැගෙන ලෝකයකම

කැඳවා රට පුරා දුහුනන් ඔවුන් අත ලියැවුන මල් නෙලා
තමන් මල් කළඹක්ව වී පිදුනාය පූජාසනයක නොදන්නා

විරෝධය? ජාතිවාදය පමණක් ද දරුවන්ට ඉගැන්වී අකුරු ද
සත්‍යය ය මෙයැම වේ යැයි කල්පනාවේ ගැලී සිටි දුහුනන්ට

තැන තැන වෙඩි පුපුරවමින් දිවි නසා ගන්නා සොයුරු කැළ
මළ ගෙදරක් කළේ රට එවිට නොපෙණුනි ඈ සිහිනයෙන් වත්

දැන් ඉතින් කාලයයි - යළි විඳි න්නට විදා අත් මේ ආහ්ලාදය
තුච්ජ යැයි උන් කියූ මණ්ඩපයකට වී - ගිනියම් රටක ශ්වේ ත රාත‍්‍රිය




---
මම මෙම කවිය දිනමිණ කව්සිලිලාර ට මේල් කළා. සිංහල පත්තර සාමාන්‍යයෙන් තාක්ෂණය භාවිතා කරන්නේ ඉතාමත් අඩුවෙන්. රාවය විතරයි හැකි හැම අවස්ථාවකම තාක්ෂණයෙන් වැඩ ගන්නේ. විශේෂයෙන් දහ අට වැනි පිටුව. පුදුමයි. මගේ නම එව්වොත් පළකරන්නම් කියලා දිනමිණ උත්තරයක් එවලා. හිතුවක්කාරයා කැමතියි හිතුවක්කාරයා නමින් පළවෙනවාට. දිනමිණ කැමති නෑ. ඒත් කාංචනා කරුණාමුණි තාක්ෂණය භාවිතා කරන එක ගැන සතුටුයි. --හිතුවක්කාරයා

Monday, September 6, 2010

පිල් මාරුව

අනේ අපොයි මහන්සියෙන් ජන්ද පොලට ගියා තමයි
දස මැරයන් - කුඩ්ඩන් හා අරක්කු ග`ද මැද්දෙන්
ඉලක්කමක් තෝරාගෙන අමාරුවෙන් හිත හදාන
ජන්දෙ දුන්නෙ රට වෙනුවෙන්

ප‍්‍රතිපල කියවන දවසේ මග බලාගෙන ම හිටියත්
රටත් හෙටත් ගැන හිතලා ජන්දෙ දුන්න මං පැරදී
ෆයිනල් කට් - කට් ටු කට් උඩින් ඇවිල්ලා
ප‍්‍රජාතන්තරවාදය කියන්නෙ ජන්දෙ දුන්න තරම තමයි

ඇමති සාද අහවර වී ආයෙත් ඉර උදාවුණා
ආපහු නොගිහින් ඉන්නට හාද හිතක් පහල වෙලා
එවුන් ගිය දා උන් කියැව්වෙ අපි යන්නේ රට වෙනුවෙන්
ඉතුරු ටිකත් දැන් කියන්නෙ අපි යන්නෙත් රට වෙනුවෙන්

හිතුවක්කාරයා

Wednesday, September 1, 2010

නිදොස් - නිදහස් වූ මර්වින්ගේ කවිය

කවදහරි දවසක නාමල් අසල ම ඉදගෙන
මයේ ලොකු එකා කැළණිය බබලවන
හීං හීනය පුපුරා හැලෙන්නට කලින්
මං උගේ කට ඇතුලට උණ්ඩ නැති පිස්තෝලය එබුවා

කිටි කිටියෙ ගැහෙන දත් වලින් ගිනි විසිවෙන්නේ නෑ
පවුරු පෙරලා නැගෙන අත්
දැවෙන යකඩය අතින් අල්ලන්නට හදන්නෑ
නැගෙන දොස් වාත වෙස් ගෙන හමනවාමයි
වාසුලි නගා කළඹන්නෙ එහෙමමත් කාලෙකයි

අපි අපේ මග ඇවිදිනා විට ඇවිලෙනා කටු
කුමට පාගා වධයක් යැයි සිතන්නේ
තැලෙන පෑගෙන උන් මතින් ගිනි අවුලවා
උනුන් දැවෙනා විටෙක එයින් සීතල මැකේ නම් මිස

හිතුවක්කාරයා

Tuesday, August 31, 2010

ආනන්දයෙන් ප‍්‍රඥාවට

රාත්තිරියටත් වඩා ගිනි මද්දහන ආනන්දයක් වී
ධවල වර්ණ හැඩිදැඩි සිත් ඇත්තෝ සැරිසැරූ
දෙන්නන්ට ද නොදෙන්නන් ට ද නිති සිනා සී
වහසි බස් දොඩා දන මන විකාරයක් කළෙහිය නොමනා

සාප වන්තයෝ දෙදණ ඇන පවු සමාකරගත්හ
සෘෂි පැවිද්දන් සේ පෙනී සිටියෝ ලජ්ජාවටත්
සදුන් සුවද ම නොව මහා ඝන්දස්කාරය වැපිරූවෝ
නොබා තෙද බල සම්පන්නව ජන වරම ලැබූ යුගයකි

ඝොර බිරම් ගති පා අකල්හි වැසි වස්සවා
ධන ධාන්‍ය ද වැය කර තොර තෝංචිවක් නැති කතා වැසි නිමාවී
රට කරවන්නයැයි දිනා ගත් මැති ඇමැත්තෝ
ප‍්‍රඥාවන්තයන් වනු ඇතැයි දන මග බලා හිදිද්දී

පෙළ ගැසී කුදු වෙවි අතටගත් බැල බත බුදී
කොනින් කොන කනහමින් රහ බලා තලුමරයි
උදම් රළ පෙළක් සේ වෙර වඩා ආවඩයි
රට බලා සිටියදී රජු නැගෙන ව්‍යවස්ථා මග හදයි



හිතුවක්කාරයා

Sunday, August 22, 2010

ගිනි නිවන්නී

ලැම නොපෙන්නන නමුත් හිත මහා ගින්දර දරන ඇය
හිත බරෙන් මිදී ළය මැද කාසි සගවා
උදෑසන හිරැ එබෙන්නට කලින් පිටත්වන නුඹ
එකම මල් යායක හීන ගලපන නොදන්නා දෙනෝදාහක්

වේසකම් පිරි පුරවරයක සැදැහැතියක් වූ ඇයට
පට්ට වේසියක් යැයි කියන්නේ ඇයි නොදන්නෙමි
හිත පුරා ඇවිලෙනා රාග ගිනි නිවා සනහන වරද
අවුලුවන්නා විනා නිවන්නී වෙත පවරන්නේ මන්ද?

දුක දරා මහත් වූ පෙම වඩා දරු වඩන්නී ඈ ම ය
ලොල්ව මහතුන් කි බොරැ වලින් රැවටී හඩන්නී ඇය ම ය
විදින්නී පරිබව දොරින් දොර වැසී අහිමිව පතිනිබව ඕ ම ය
ජඩයන්ට බුදුවිය හැකි නමුදු වේසියන් බුදු නොවන්නී සේ ම ය


හිතුවක්කාරයා

අපේ රටේ කාන්තාවන් 47000ක් ලිංගික ශ්‍රමිකාවන් බව සෞඛ්‍ය අමාත්‍යාංශයේ -අධ්‍යයනයකින් -අනාවරණය වී ඇත්තේය

Friday, August 20, 2010

නෝ බෝල්

වටේටම නොයෙක් මිළ ගණන් වලට විකිණෙනා මිනිස්සු
ඉස්තරම් ඇගෑලූම්කම් සමග නොහොබිනා කැත වචන
කෙල ගා ඔප මට්ටම් කරන රතු පාට ලෙදර් පන්දුව සමග
මහා විසාල පිට්ටනියේ හුදෙකලා හදවතක් වැලපෙනවා දැක්කාද

මං වගේමයි ඇවිත් බිත්ති කණ්ඩිය අද්දර හිට ගත්තා
ඇහැ ඇරල බැලූවාම පෙණුනේ පාවෙනා නිලංකාර පරඩැල්
කාසි මලූ කද බැදන් බෙදනවා - අපිට දෝත පෑවාට දෙන්නැති
විච්චූරණ මැදින් ඇවිදගෙන ගියේ පිට්ටනිය මැද්දට

දණ ගහන්නැයි කීවාම දණ නොගහ ඉන්නේ කොහොමද
ඇහැ පියා ගත්තා නොපෙනෙන්න පෙනෙන මානය
ආයෙත් හිත නිකං වැනෙනවා ලෙලෙන ගොක් අත්තක් වගේ
අන්තිමට දැනුණෙ ඉර පන්නලා ගිය හිතේ ගිඩි - ගිඩිය

බොල් හුලගෙ පාවෙන්න තිබුණ අන්තිම බෝලයට
තුට්ටුවක් නොවටින්න හිත හදා ගත්තේ මම කොහොම
ආයෙමත් ඇහෙන්නේ ගෙදර ලග වක්කඬේ ගෝසාව
උන් එක්ක නැටුව දා - එදත් මගෙ පිට පුරවලා වැදුනෙ වැරණිය පාර


- හිතුවක්කාරයා

Wednesday, August 18, 2010

හිතුවක්කාරයාගේ අසෝබන කතා -1 - හෙනහුරා හමුවීම

අත වෙලාගෙන. රවුල දවස් ගණනකින් කපලා නැහැ. ඇදුම පරණ වුණත් තාම සුද නොමැකී දිලිහෙනවා. හිතුවක්කාරයා කොළඹ ඇස්වාට්ටුව හන්දියෙන් වමට හැරෙන වෙලාවෙ මෙන්න මේ අත වෙලා ගත්ත උන්නැහේ තුන් කුන්දෙන් පැනලා වෙලා ගත්ත අත පෑවා.

‘‘ අනේ පිං ඇති මහත්තයෝ කීයක් හරි දෙන්ට’’

අතේ තිබුණෙ සත පණහයි. කාසි හිග වෙලාව. රුපියල් කොළ සාක්කුවේ තිබුණත් හොද ඇගපත ඇති මෙහෙව් එකෙකුට නොදී ඉන්නමයි හිත.

‘‘ අනේ අනේ ... අහක බලා ගෙන යන්නේනප්පා. අහිංසකයා. දුප්පතා. මට හෙනහුරාගෙ ඛාලේ.... ’’

ලොක්කා මෙහේ හිගා කන්ට හොද තැනක් නෙවෙයි. කොළඹ. පේනවා නෙ. වටරවුම් වෙනස් වෙලා. වතුර මල් අමුණලා. දැං රාළහාමි කෙනෙක් ආවොත් තමුංව ගෙනිහං දාන්නෙ වීරවිල. දන්නවා නේ හිතුවක්කාරයා ඔරවලා බලන ගමන් කිව්වා.

‘‘හිටියෙ ඒ කිට්ටුව තමයි. ඉන්පස්සෙ එයිං එහා මාගං පත්තුවේ උදවියත් එක්ක ඇගලූං පෑවා. පටං ගත්තෙ දණ ගහල වැදලා...අන්තිමට ඉත්තිරි වුණේ මෙච්චරයි. වණේ වන හතුරෙකුටවත් වෙන්නෙපා.’’

එහෙම ඇහුණාම හිතුවක්කාරයා පාර මාරුවෙන එක නතරම කළා. ‘‘ ඔහේ දන්නැතෙයි. මේ දවස්වල හිගන්නො අල්ලනවා. වීරවිල හිටියනං එහෙටම වෙලා ඉන්ට තිබුණ නෙව. දැං වරායක් හදනවා. ගුවන් තොටුපොල.... ’’

හිතුවක්කාරයාට කියන්න හම්බවුණේ ඒ වාක්යං්ශය විතරයි.

‘‘ අපි නොදන්න වරාය. පාර කැපුවෙ මම. බෙල්ල දුන්නෙ මම. එක පසික්කාටුටුවෙක් උං වෙනුවෙන් මං කරපු තරං මජර වැඩ කළේ නැ. මයේ පරංපරාවට නෙවෙයි. උංට පාර කපන්ට. මට වැරදුනා. ..’’ පිනට සල්ලි ඉල්ලන උන්නැහේ දැං කතා කරන්නේ හිතේ වේදනාවෙන්.

‘‘ මට තේරුණේ නැහ් ’’ හිතුවක්කාරයා කිව්වා.

‘‘ ඔහොම යං. ... මේ රටේ කතාව අහල තියෙනවද? රජ්ජුරුවොයි සංඝයා වහන්සෙයි ආස්සරේට හොද නෑ කියලා. ’’ මම ඒක ආයෙත් දැන ගත්තා... ’’ මේ උන්නැහේ උත්තර දුන්නෙ යන්නෙ කොහෙද ? මල්ලෙ පොල් කතාවක්.

හිතුවක්කාරයා තවත් ටිකක් ලං වුණා.‘‘ ලොකු උන්නැහේ හිත් වේදනාවෙං වගේ. අසනීපයක් ද? දවල්ට කෑවද? ’’ සත පණහ නොදෙන්න හිතා ගත්තට ... දුකට ම අහන්න සිද්ධ වුණා.

‘‘ අනේහ් .... නෑ.. මං හිටියෙ රජ්ජුරුවො ඔහොම ..මම මෙහෙම වගේ.....කොටින්ම උන්නැහේ වියායාම කරලා කාට හරි බනින්න සූදානං උනෙත් මගෙං නරක වචන අහගෙන. ’’

ඉත්තිං.....

‘‘ ඉස්සෙල්ලා ආව අං වෙනුවට පස්සෙ ආපු කණ ලොකු වුණා. ඡුන්දෙ කාලෙ උගේ කට ලොකු වුණා. ජන්දෙ දිනුවාම ඌ ගිහින් කමිටුවට විරුද්ධව උපවාසෙ පටන් ගත්තා.... මං දැං මොකාද? ..’’ ලොකු උන්නැහේ ඉහිං කටිං වෑහෙන දාඩිය සුද මැකී යන කමීසෙං පිහිනවා.

හිතුවක්කාරයාට කතා කරගන්න කලිං ආයත් ...කතාව

‘‘ රූපවාහිනියෙ කෙල්ලන්ට ගැහුවා. සිරස විනාශ කලා. කැළණිය කසිප්පු ගුහාවක් කළා. කුඩු කාරයෝ ආරස්සා කළා. ...නීතිය විග්ගරහ කරන්න පටන් ගත්තා... මේ සමූපෙ වැඩ කරපු කොල්ලගෙ උවමනාවට ද පින්වතුනි... අනේ නෑහ්.. ’’

වස්තරෙ මූණ පිහිදගත්ත ලොකු උන්නැහේ ආයෙත් කතාව පටන් ගත්තෙ ඇහැ හීනි කරලා වට පිට බැලූවට පස්සෙ.

‘‘ එයා වෙනුවෙන් මැර කං කළා. එයා වෙනුවෙන් ජඩ වැඩ කළා. එයා එහෙට ගියා. මට හම්බවුණේ උප ඇමතිකං. ඇණුං.. බැනුං... ’’

දැං දැං සිද්ධවෙන්නෙ මහා පාපොච්චාරණයක් බව වටහා ගත්ත
හිතුවක්කාරයා පාර පනින්න සූදානං වුණේ මේ මරාලෙං බේරෙන එක මහා විජයගරකාරහණයක් බව ඉවෙන් වගේ දැනුන නිසා.

’‘ අනේ යනේන්න එප්පාහ්... නපුරු කලට ..මනුස්සයට දුකට පිහිට වෙන්ට.... ’’

හිතුවක්කාරයා පාර මාරු වෙන්න පටන් ගත්තා. ‘‘අර අහිංසකයා ගස් බැන්දටම වෙච්චි හොද වැඬේ. .... හොදම වැඬේ .. අතර මගදි හිතුවා.... එළියට දැම්මා. ආරක්ෂාවත් නැති කළා. වාහනෙත් ගත්තා. විනය පරීක්ෂණයකුත් ආවා. පක්ෂෙනුත් පන්නලා....පුහ්... සිරිකොතේ සාමාජිකත්වය ගන්න වුණොත් කොහොමට හිටීද? ’’

හිතුවක්කාරයාගේ හිතිවිලි දිගටම පාවෙනවා.


-හිතුවක්කාරයා

Sunday, August 15, 2010

කරදියවර මංගල්ලය

ඈත පෙණුනත් නියං සායට කරවුන හේන
සිළිදු ඇවිද ගෙන ගියේ කැකිරි තියඹරා කඩන්න
වදුරන්ගෙන් ගැලවී හැංගිලා තිබුණ බටු අමු මිරිස්
ඔඩොක්කුවකට කඩා ගත්තා

ගහ මැරිලා ගහේදිම කරවුණ ලපටි බඩ ඉරිගු
පරඩැල් කඩා දතින් - කොනහමින් කාස්ටක ගති ඇතිව
තව තවත් කිරි වැදුණු කරල් අහුලන්න
හුදෙකලාව පොරබදන අතරතුර
තිබහ යන්නට දිය ඇබින්දක් හොයා ගෑටුවා

ඇණෙන නිදි කුම්බා කටුවක් ආයෙත් කකුල ට
ගලවන්න හිතෙන් නෑ ඒක රිදුමක් නෙවෙයි
ඇවිදින විට ගිනියම් බොරලු කැට උඩින්
දැනෙන වැලිපාර අවුස්සාගෙන ඉඹින දූවිලි සුවදයි

කණාටුව ගිය වැලකින් කඩා ගත්මෑ අහුරක් එක්ක
බටු අමු මිරිස් එකට දා හදන හොදි එක්ක
හැමදාම කන කුරක්කන් තලප වෙනුවට
තොටමුණෙන් ගොඩ බාන රහ දැනෙන දවසක්

දෙකංසෙන් ගැලූ දහඩිය ඇවිත් වියලිලා කරවෙලා
තොල තෙමාගන්නට තනන දිවට දැනුණේ
මිදුණු දහඩිය බිංදුවක
තිත්ත ලුණුකැටයක කරදිය රහ

- හිතුවක්කාරයා


2010.08.29 - රාවය පුවත් පතේ 18 වැනි පිටුව මෙම කවිය පළ කළා. ස්තුතියි

Wednesday, August 4, 2010

අධිවේගී පාර අද්දර හුදෙකලාව

අපි එදා බෙදා ගත් කලටි පොල්ගහ උස ගිහින්
ඒ ළගින් තිබුණ - හී ඇල වියැලිලා
දං පදුරු අතරින් අතැගිලි තුඩු මතින් ඉපිලී
කුරැලු කූඩුව දිහා බලා හිටියා මතකද?

දම් පාට පැහුණ ගෙඩි එකකවත් කැවෙ නැහැ
සර්පයින් දශ්ට කරලා ඒ නිසා නොකා ඉමු
අපට කරදරයක් වෙච්චි පොඩි නංගි බය කළා
ඒත් අපි ඇතිපදං දං කඩං කෑවා

ඒ දණ්ඩ හරි මැදදි උඩ පණින විට කෑ ගසා
ඇලට වැටුණා නෙවෙයි හරි කැමැත්තෙන් පැන්නා
ගෙදර යන්නට කලින් තෙත කොණ්ඩෙ වේලගෙන
දම් පාට දත මැද්දෙ බෝම්බු කෝටුව කඩාගෙන

කුරැලු කූඩුවත් නෑ - ඒතැන දං පදුරත් වැනසිලා
ඇලපාර වහන්නට ගත් මහන්සිය නිසා
පහල වෙල් යාය මලකඩ වෙන්න අත් හැරලා
අද ඉතිරි කද මහත අග හීනි - තනි පොල් ගහ විතරමයි

Friday, July 30, 2010

බස්සා

බුලත් අතට දුම්කොළයක් අරගෙන
දොහොත් මුදුන් දී වැන්දා දෙදණ නමා
නිල් කොට කලිසම නිල් වැඩි කමීසයට
ගැලපෙනමුත් දෙකකුල් තිබුණේ නිරුවත්වයි

කුඹුර කොටන හේනේ වැට අවුලන
අතරවාරයේ කිව්වේ චක්කර
තනියට සීපද වෙනුවට ගැයුනේ සමීකරණ
විභාගෙ ලිව්වා පාඩම් කෙරුවා එක එක පන්තිය ඉහල ගියා

වාසනාව ගෙදරට ආවා වාගෙයි ආණ්ඩුවෙන් ලියුමක් ලැබුණා
ගමෙන් ඇවිත් දස්කම් පෙන්නුව දරුවා
උපාධියක් ගන්නට යනවා
අම්මාවරු සතුටින් හැඩුවා

වල් වැදුනා තල හේනට කුඹුරට
උදලූ මහන්සියවත් නොදෙනා
වත්තේ කුලියන යන දෙමහල්ලෝ
අහස උසට අතැගිලි බැන්දා

කදුලූ ගෑස් ජල පරහාර වැදිලා
සී සීකඩ විසිරුණ පණ ගැහෙනා හදවත්අතරේ
වටකුරු වී හිස බදා වැලපෙන කදුලක්
අර නිල් කලිසමමයි - රතු ලේ පාටින් පෙගිලා

Thursday, July 29, 2010

ගුරුද්දා විග්ගරහය - 2 යස ද නොවෙන - මනමේ ද නොවන විට

සුබ සහ යස කතාන්දරයේ හැටියට දොරටුපාලයාට රජ වෙන්නට අවස්ථාවක් හිමි විය. එය ඓතිහාසිකව පැවරුණ නමුත් සුබ කුමාරයා තුන් හිතකින්වත් අපේක්ෂා නොකළ සිද්ධියකි. සුබ හා යස පෙනුමෙන් එක සමාන හෙයින් රජතුමා තමන් හමුවේ බලූගැතියන් වෙන ඇමතිවරු හා පරිවාර සේනාව රගනා රුගුම් සියැසින් අලූත් කෝණයකින් දකින්නට ලොබ බැන්දේය. දෙතුන් වතාවක් එසේ කරන්නට බොහොම කැමැත්තෙන් දොරටුපාලයා එකග කර ගත් නමුත් තීරණාත්මක අවස්ථාවේ දී දොරටුපාලයා සුබ රාජ නමින් රජ විය. එසේ වූයේ දොරටුව ලග හිදගෙන රජුගේ කිර් රයාදාමයන්ට හිනා වූ දොරටුපාල රගපෑමට කැමැත්තෙන් සිටි හැබෑ රජ්ජුරුවන්ගේ හිස ගසා දැමීමෙන් අනතුරුවය.

මනමේ කුමාරිය වැදි රජ්ජුරුවන්ට කඩුව දී සිය වල්ලභයා මරුමුවට පත් කළේ තීරණාත්මක අවස්ථාවේ දී කඩුව ඉල්ලා සිටින විට කඩු කොපුව මනමේ කුමරුන්ටත් හා කඩුව වැදි රජු දෙසටත් පැති මාරු කර පිරිනමන්නට ගත් ක්ෂණික සිතිවිල්ල නිසාය. මේ සිතිවිල්ල එන්නට ඇත්තේ මහා ඝන වනාන්තරයේ වැදි රජු සමග හුදකලාව සටනකට සිය කුමාරයා පිවිසි නමුත් හැබෑවටම දන්නා ස්වාමි පුරුෂයාට වඩා මේ පෙනෙන හැඩි දැඩි මිනිසා නිර්භීත බව අවබෝධ කරගත් හෙයිනි.

දොරටුපාලයා රජ වෙන්නේත් - වැදි රජුට මනමේ හිමි වන්නේත් උරුමයෙන් පැවරුණ රාජකීයත්වය වෙනුවට අලූත් ආකල්ප හා අලූත් දැක්මක් ජාතියට පකාශවීමේ සැබෑ උවමනාව ස්වභාව ධර්මයෙන්ම නියම වූ හෙයින් බවට සැකයක් නැත.

ඉතිහාසයේ අවස්ථා යළි මැවෙන නමුත් එහි නියම මොහොත අනුව තීන්දු ගන්නේ නැති බවක් පෙනෙන්නේ නම් රටට අලූත් ජවයක් පරන් බෝධයක් අපේක්ෂා කළ නොහැකිය.

අභ්ය‍න්තර කැරැල්ලකින් අනතුරුව පක්ෂ නායකත්වය භාරගන්නා ලෙස පොළඹවන ලද එක් අවස්ථාවක නායකත්වයට එරෙහිව යාමේ පාපයක් බව පරද එකාශ විය. ලෙන්ගතු අණ පිළිපදින්නා මිස මෙහෙයවන්නා වීම තමන් සතු බලවේගය බව නොවන පක්ෂයේ සියල්ලෝම පිළිගෙන සිටියහ. අවසානයේ දී කැරළිකරුවන්ට නායකයෙකු සොයාගත නොහැකිවීමෙන් කැරැල්ල දියවී ගියේය.

පරාජයවන හැම අවස්ථාවකම නායකත්වයට එරෙහිව අභියෝග මතුවන නමුත් ඒ සියල්ල වෙනුවෙන් සෘජුව පෙනී සිටින්නෙක් නැත. නායකයා පන්නා දැමිය යුතු බවට ඝෝෂා කරන කිසිවෙකු මීළග නායකයා කවුදැයි කියන්නේ නැත. ඒ තනතුරට තමන් සුදුසු බව එක හිතින් තම තමන් ම හිතනනමුත් එකතු වී පුද්ගලයෙකු නම් නොකරන්නේ මන්ද?

එක්සත් ජාතික පක්ෂ ඉතිහාසයේ පළමු වතාවට වැඩ බලන නායකයෙකු පත්කර විදේශ ගත වන්නට පක්ෂයේ නායකයා තීන්දු කළා පමණක් නොව එය පරා ගතයෝගිකව සිදුකර මාධ්යක මගින් ද අනාවරණය කළේයග එහි හැබෑ අර්ථය කුමක්ද? එක්සත් ජාතික පක්ෂයේ දොරටු පාලයන් මෙන්ම සටනට පිවිසි විට අඩු තරමින් කඩුව වෙනුවට කඩු කොපුව දෙන්නටවත් සමතෙක් නැති බවය.

සාතිශය සංවේගය එය නොවේ. මේ සියලූ වේදනා සංසිද්ධීන් දරාගත නොහැකි ජන කොටසක් ද ලංකාවේ සිටින බව ඔප්පු වීමය. එක්සත් ජාතික පක්ෂ මූලස්ථානය ඉදිරිපිටට පැමිණ සිය දිවි නසා ගෙන එක්ව ජයගනිල්ලායැයි අභියෝග කරන්නට රියන්සි අල්ගම මහතා ඉක්මන්විය.

දේශපාලකයන් වනාහි හොරුන්ල වංචාකාරයන් අල්ලස් හා පගා ගන්නා වැදගම්මකට නැති පිරිසක් හා සමාජයේ කිසිම බුහුමනකට ලක්විය යුතු නැති පිරිසක් බව අර්ථ දැක්වෙන යුගයක ඒ දේශපාලනඥයන් වෙනුවෙන් හා ඒ දේශපාලන කරයක මය වෙනුවෙන් ජීවිතය පුදන්නට ලාංකිකයෙකු ඉදිරිපත්වීම මෙරට ඉතිහාසයේ දැවැන්ත අවස්ථාවක් නොවේද?

දොරටු පාලකයන්ටත්ල මනමේලාටත් ඒ අතුල්පහර හොදටම ඇතිය.



- වරද්දාගත් ගුරු විසිනි
මේ හිතුවක්කාරයා කියවන ලද යහපත් රවනයක් කිවයන්න. සන්නස වෙබ් අඩවියෙන්.

Tuesday, July 20, 2010

රඹුටන් වගේ ජීවිත

බැද්ද අද්දර හින්නි කොස්ගහ
එයට එපිටින් වැඩුන රඹුටන් පැලේ
අතුවිදා මහ ගහක් වි පීදුනා තනි හිත වගේ
සරන සියොතුන් නතර කර අතු ඉති දිගේ

කොළපාට අතු වටා රතුපාට පබලු වැල්
ඇඹුල දැනුනත් අපට ඇස් වලින් රහ බලයි
ලෝබ හිත් සාංකාවෙන් පෙලෙන හැටි දැනෙයි
අයිතිකර ගන්න බැරි තාරකාවක් වගෙයි

හී මලයා එක්ක ඇවිදින්
බස් පොලේ විකුණනා රඹුටන්
මගේ තොල් පෙති දිහා බලමින්
උන් ගනී නොවටිනා මිළ ගෙවමින්

අතු කඩා ගෙඩි නෙලා පැස බහා දුර ගෙවා
ඝෝර නගරය මැදින් ගලනා මහා වාහන ගගට අතපා
කාසි උපයන තනි හිතට දැනෙන්නේ
මහ බයක් බැද්ද අද්දර මහා කලුවර වගේ


2010.08.01 රාවය පත්තරේ දහ අවවැනි පිටුව මේ කවිය අරගෙන පත්තර පාඨකයන්ට කියවන්න අවස්ථාවක් දීලා. බොහොම ස්තුතියි.

Monday, July 19, 2010

ඩෙංගු

හූනු බිජු ලොසින්ජර
ඇගිලි වැනි විස්කෝතු ද
අපට අරගෙන එදා
තාත්තා ගෙට ආව මතක ද?

සරම කැහැපට කඩා
විලුඹ තැවරුණ මඩ සූරා
හෙමින් හිස අතගා
අපේ ඇති දැගලිල්ල ඉම්බා

ඒයි ඇහුනද කියන්නේ
අම්මගෙන් විස්තර පුරන්නයි
උඹල කෑව ද අහන්නේ
තමන්ටත් දෙන්නැයි කියන්නයි

එකිනෙක දවස් ගෙවුණා
දැලි රුවුලට කලින් ගමෙන් ආවා
ණයට ගත් පුංචි ඉඩමක
අහස අල්ලන ගෙවල් හැදුවා

පොඩි දරුවන්ටත් දැනෙයි
උදේ දහවල් ගෙවෙනහැටි දැන්
පාන්දර තැම්බූ බතම
හැන්දෑවටත් රත්වෙයි

අපේ දවසක් ගෙවෙන හැටියට
අනේ උන්නා මදැයි නොසිතෙ ද
දහ අතේ ණය වී- එන විටදි ගෙදරට
කොයිල් මිස වෙන යමක් අවැසිද?


හිතුවක්කාරයා




2010.08.08 රාවය පුවත් පතේ 18 වැනි පිටුවේ මේ කවිය පළකර තිබුණා. ස්තුතියි.

කපුටු කෙටවිල්ල

අනේ දෙවියනේ අල ගන්න ගිය කල
ලංකාවේ අල ගණන් - ලාබයි නොරට අල
දුන්නත් පෝර සහනාධාරයක් ලෙස
මේ අල ගණන් යන්නේ ඇයි දෝ මෙකල

තුන් තිස් දොහේ රගපාලා අපි දන්න
එකම නාට්ටිය පෙන්වන ගිරවු ටික
රට සංවර්ධනෙන් පෙරටම යනවා කිවුවත්
මේ නම් පෙරෙන්නේ රෙදි පල්ලෙන් ඒවා

අපේ බඩගින්න ගැන හිතකවත් නැති
උන් හැමදා අපට පෙන්නන්නට වවති
අතින් යනවා ද වියදං ඇමති නිසා
මෙහෙව් අය රජකරපු අපිටම කොට කපුටෝ

රජු ගෙදර යැවීම නොහොත් ජෙනරාල් ගේ මහා අපරාධය

විධායක ජනපති
ඒතැන මං හිටියා දැං ඇති
විධායක අගමැති
තැන ලැබුණොතිං අන්න යහපති

මං ගෙදර යන දිනයට
දිනෙන් දින ලංවෙනවා දැනෙයි මට
එහෙම අය එක් කොට
හදමි සංගමයක් දිනුම මට

එහේ හිටියත් ගැටුම්
පැරදෙන තරමට පද ඇනුං
දෙපිළක හිටි නමුත්
උන්දැං දැං මං එක්ක ඇගලුං

පණට පණ දෙතහැකි
දෙන්නාටම සැපෙන් හිටියැකි
නම විතරක් වෙනස් සං
නුඹ විපක්ෂය මට පක්ෂ ඇති

වදින විට ගල් මුල්
හැරදා ඉන්න අදහස හැම කල්
පවතින්නට හැකියැයි හිතං
පුටුව කඩනෙමි හදමි අටුවක්

දැනි නම් හැබෑමය
ජෙනරල් කළ දේ අසමජ්ජාතිය
ප‍්‍රරබා නොමරා අත ඇරියනං
අපේ මහරජු ලගදි ගෙදරය

Monday, July 12, 2010

Three day of Sri Lanka minister and after Eight days of a 79-year-old woman

Three day of Sri Lanka minister and after Eight days of a 79-year-old woman

A 79-year-old woman was rescued by a group of fishermen

A 79-year-old woman, who went missing from May 8 during a pilgrimage to the Somawathi Temple, Polonnaruwa was found from a jungle after eight days, police said. She was lost in the jungle during the floods that wreaked havoc in Polonnaruwa recently.

Accordingly, the woman from Wariyapola in the Kurunegala district was rescued by a group of fishermen. Soon after that, she was admitted to the Polonnaruwa hospital with some bruises in her body. However, hospital authorities said that she was in healthy condition.

The victim had told the police that she survived in jungle without any food for eight days drinking only water.

After torrential rains resulting flash floods ravaged the area of Somawathiya Temple in Polonnaruwa stranding thousands of pilgrims and vehicles. Several persons were reportedly killed as a result of the ensued stampede in the temple.
Nearly 400,000 devotees who came in around 30,000 vehicles to participate in a special mammoth religious offering at the historic temple on May 8 and 9 were trapped as a result of floods caused by heavy rains. Over 25 persons were hospitalized and some were missing for days.



Sri Lanka minister begins 'fast' outside UN office
A Sri Lankan Cabinet minister Housing Minister Wimal Weerawansa has ended a three-day fast aimed at forcing the United Nations to abandon an investigation into war crimes allegedly committed during the final months of the country's civil war.
He accepted some cup water offered to him by President Mahinda Rajapaksa to end his fast in a hut outside the UN office and was taken away by an ambulance to a hospital souses say stopping on the way for a Sugar burger at Odel. Minister Weerawansa ordered a ‘chicken sugar daddy’, demanding that they hold the pickles, since they were unpatriotic.
Talking with his mouth full, Weerawansa claimed that he actually wasn’t ending his fast, but merely taking a break as the doctor had ordered. He also said that as the leader (and member) of the National Freedom Front he jolly well had the freedom to fast if he wanted to, and due to health reasons he would be fasting unto death for two days of every week until the UN Secretary General dissolved the advisory panel on Sri Lankan war crimes. However, he also stated that it was his right to fast every other day instead if he got a bit peckish.
The BBC's Charles Haviland in Colombo says Mr Weerawansa is lying alone on a mattress on a bed near the main gate of the UN office. Opposition parties say the protest is shaming Sri Lanka Several Buddhist monks are also there and have given blessings to the demonstration.
"I am starting a fast till death. Only when the accusations of war crimes are withdrawn and the [UN] panel abolished, I will stop this [the fast]," Mr Weerawansa said.
Opposition parties say they fear the events will bring shame and disrepute on Sri Lanka.

by Hithuwakkaraya

Monday, July 5, 2010

Police in Sri Lanka - පොලිසියට බාගෙට ආචාරියාට හොදටම

ලංකාවේ පොලිස් දෙපාර්තමේන්තුව ඇති කළේ සාමය ආරක්ෂා කරන්නටය. මෙරට විතරක් නොවේ. වෙන ඕනෑම රටකත් එහෙමය. ටී පනස් හයක් අරගෙන මහජනතාව මහා අපරාධකාරයන් හැටියට දකිමින් රවමින් - ඔරවමින් යන පොලිස් සේවාවක් ඇත්තේ වත්මන් සිරි ලංකාවේ පමණකි. අතීතයේ අපට විනීත විනය ගරුක සේවාවක් තිබුණි. ඒ පොලිස් නිලධාරියා ගමේ අපටනම් රාළහාමිය. කොට කලිසමක් හැද බැටන් පොල්ලක් ද අතින් ගෙන බයිසිකලය තල්ලූ කරගෙන එන රාළහාමි ගමට අමුත්තෙකි. එපමණක් ද ඉතා කලාතුරකින් හොරකමක් මංකොල්ලයක් සිදුවු අතර මේ එන රාළහාමි ඒ සියල්ල හොයා බලා වරදකරු විලංගු දාන්නටත් සමත්වූවා නොවේද?

දැන් කලිසම දිග් වී අතට ටී පනස් හයකුත් ලැබී ඇත. යන්නෙ එන්නේ සයිරන් වැදෙන කාර් වලින් හෝ වැඩි බලයක් ඇති යතුරු පැදි වලිනි. එහෙම නමුත් හොරකමක් ඇල්ලූ දවසක් නැත. සුලූ හොරකමක් නම් අවාසිය විදගෙන හිත හදාගැනීම මැනවි.

මේ පොලිසියේ මෑතක සිට විත්තිකරුවන් සිරමැදිරියේ එල්ලී මියයයි. එල්ලා පහරදී හුස්ම අල්ලා ගන්න බැරිවෙනවිට තමුන්ගේම සරමෙන් එල්ලා දැමූ බව කටක් ඇර කියන්නේ මැරී ඇති මොන මිනිහා ද?

එයටත් වඩා හාස්ය ය නම් සැකකරු - සගවන ලද හොරකම් කරන ලද බඩු භාණ්ඩ හොයා දෙන මුවාවෙන් අතරමගදී පොලිසියට සමග වෙඩි හුවමාරුවකින් පසු වෙඩි කා මිය යාමයි. හොදටම ගුටි කා හෙම්බත්වී සිටින පොලිස් සිරමැදිරියේ මිනිහා අතරමගදී මාරාවේශයෙන් සාජන් මහත්තයාගේ තුවක්කුව උදුරාගෙන මහා වීරයෙක් වෙන්නට හැදීම අරුම පුදුමය.

මේ නිසා කුඩු කාරයාගේ සිට වාහන දඩ මුදලක සිද්දියකට සම්බන්ධ පුද්ගලයෙක් පවා පොලිසියට ගොඩ වෙන්නේ ඉස්සර සිරිපාදේ ගිය ආකාරයටය. එනම් තමුන්ගේ දේපොල පවරා අන්තිම කැමති පත්තරයත් ලියා නීතීඥයෙකුට බාර දීමෙන් පසුවය.

ලූනාව පමණක් නොව මෑතකදී කොට්ටාවෙන් ද සිදුවූ අමිහිරි සිද්ධි - පොලිස් සේවයේ නුගුණ පමණක් දකින අපට ඇහැට ඇගිල්ලෙන් ඇන පෙන්නූ කණගාටුදායක සිදුවීමිය. මේවා ගැන මාධ්ය් හා විද්වත් මිනිසුන් මහ හඩින් කතාකර පෙන්වා දුන්නත් කිසිවෙක් කිසිම හා හූ වක් නැගුවේ නැත.

වාසනාවකට පොලිස්පති ආචාර්ය උපාධියකට හිමිකම් කීවේය. ඉගෙන ගන්නට ගිය ගමන් ඉදිරිපත්කළ ආචාර්ය නිබන්ධනයට රුසියාවෙන් උපාධියක් දී ඇත. දැන් එතුමා කතා කරන්නට පටන්ගෙන තිබේ.

මට්ටක්කුලියේ කුඩු කාරයෙක් අල්ලාගෙන ඇත. මේ කුඩු කාරයා ඇල්ලීම ගැන ආරුලූ බූරුලූ ආණ්ඩුවේ විතරක් නොව පුද්ගලික අංශයේ රුපවාහිනී නාලිකා සියල්ලම පරලූ කාශ කර ඇති බැවින් පසුබිම අවශ්යශ නැත. දැන් ආචාර්ය පොලිස්පති කියන්නේ මේ කුඩු කාරයා ගෙදරදීම අත කපාගෙන ගිය හෙයින් පොලිසිය විසින් රෝහල් ගත කරන ලද බවයි. එපමක් නොවේ උන්නැහේ රාත්තිරියේ සිට අලූයම දක්වා එහි ගැවසී ඇත. මේ නිසා පොලිසිය විසින් මට්ටක්කුලියේ ගෙවල් වලට පහර දී අලාභානි කර නැත. මට්ටක්කුලියේ දුප්පතුන් විසින්ම තමන් අමාරුවෙන් හදා ගත් ගෙවල් වල වීදුරු හා වටිනා කියන දේ පොඩි කරගෙන තිබේ. ඒ පොලිසිය අපකීර්තියට පත් කරන්නටය.

අනේ අප්පච්චියේ මෙහෙම ආචාර්යවරු. එලිවෙනකම් හිටි මිනිහාට මේ ගෙවල්වල වීදුරු පොඩිකරගන්නා සද්දය ඇහුණේ නැද්ද? ඇහුණා නම් එළියට ඇවිත් තමුන්ගේ සනුහරයට විරුද්ධව මට්ටක්කුලියේ මහා කුමන්තරුණ ණයක් වන බව දැන ගන්න තිබුණා නේද?

පොලිසියකුත් නොවෙන පොලිස් පෝස්ට් එකක කුඩු කාරයෙකුගේ පලහිලව්ව අවසන් වූයේ තුන්සියයක් පමණ පිරිසක් ගෝනි බිල්ලන්ට පෙන්වමිනි.

පරසන ජාතන්තරසියවාදී රටක ගෝනි බිලි සංදර්ශන පවත්වන්නට ඉඩ දෙන්නේ අහිමිවෙන ජී එස් පී දිනා ගැනීමේ පරම චේතනාවෙන් විය යුතුය.

එහෙම නැතිනම් ගම් පිටින් පිට්ටනියට දක්කා සැකකාරයන් හොයන්නට පොලිසියට බලතල දුන්නේ කවුද? එහෙම අදුනාගත් සැකකරුවන් පොලිස් බස් එකකින් රෙදි වැරහැලි වලින් වසා මහේස්තරාෙම ත් හමුවට ගෙන ගියේ හදුනාගැනීමේ පෙරෙට්ටුවකටලූ. අනේ කාට කියන්නද?

ඉස්සර කාලේ කතාවට අනුව නම් ආචාරියා හිටගෙන හුජ්ජ කරනවිට ගෝලයා කරන්නේ දුවා දුවාය. දන් කාලයේ දුව- දුවා කරන දේ හත් පොලේ ගාගන්න මෙහෙම ආචාරියා ලා සාමය ආරක්ෂා කරනවාද නැත්නම් තමුන්ම සායම ඇරගන්නවාදැයි පරික්ෂා කර බැලීම රටේ නායකයන්ගේ වැඩකි.

මහොෂධ

Thursday, July 1, 2010

Budget in Sri Lanka -වැය අය


රටේ වැදගත්ම ලියැවිල්ලක් යැයි හිතලා
මෙච්චර දවස් අයවැය කියැවෙව්වෙ රජා
හයමාසයකට පසු ගතවන මේ අවුරුද්දේ
ආචාරියා බින්දා කුණු වූ පුස්සක්

ගත් නය ගෙවන්නට අලූතින් ණය ගන්න හැටි
පටිතද කර බදු වැඩි කර ගැට ලෙහුවා
කාට කියන්නද නඩු නැති අපේ රටේ
මේකයි චින්තනය නම හත්වැනි මහින්ද ලූ

හිතුවක්කාරයා

Tuesday, June 22, 2010

දැනමුතු

දැනමුතු
මෙහෙම වෙන්නෙ අඩමානෙට බිහි කරන

පායන තරු නිසාමත් යැයි කිව නොහැක
අලූතෙන් දෙයක් ඉල්ලන අපිවගෙ අයට
දෙන්නට නැති විටදි වෙන්නෙත් මේකයි පවට

ආවේ කොතැනින්ද යන්නේ කොයි දෙස ද
වෙබ් අඩවිය වුනත් නොදනී කොපි කරන
කාගෙත් නිර්මාණ අරගෙන පළකරන
බ්ලොග් එක හොද නමුත් ගීතය නම් නරකමය

කතන්දර වුණත් හැදුනේ ඉතිහාසේ
අදවැනි දිනක අහගන්නයි දරුවන්ට
ගීතය වෙනස් නැත ඒකත් කතාවකි
වෙනසක් පෙනෙන්නේ ඒකට නටන එකයි

දඩයම් යුගෙත් ගත්තා දඩයම උදුරා
බලවන්තයා විතරයි ලොව පවතින්නේ
මැදහත් හිතින් හිතුවොත් බුදුදහමෙ වගේ
ඉන්නා ටිකේ අපි කවුරුත් ඔහොම තමයි

හිතුවක්කාරයා

වැස්ස වැහැපන්

ජීවිතය වතාවතක්
පිනි බින්දුවක් වැටි විටෙක දිලිහෙන
හැබැයි හිරු දුටු විටදි වියැකෙන
මද පවනට ද සැලී ගිලිහෙන

තුනී තණ කෙළවරක දිලිහෙන බින්දු වැටියන් මහ පොලවට
උරාගන්නට කලින් තවත් වැටෙයි නම් පිනි බිදු
තෙමා මේ දවන බිම් කඩ මහා දිය දහරාවක් වගේ
තැන තැන රුදුන පල් කුණු රොඩු වනසන



හිතුවක්කාරයා

Monday, June 7, 2010

නාමල

අනේ මහතුනේ මට වූ දුක බලලා
සෙනේ සිතින් මල්මාලා පළදවලා
අවුරුදු හතලිහක් මේ විදි දුක දැකලා
යන්තම් දෙන්න තව හත් අවුරුද්දක් ගැනලා

ගොඩ මඩ දෙකම සරු සාරය පල බරය
අපෙ අප්පා කළේ නැති බැරි ගොයිතැනය
උන්දෑ ඇවිත් රජගෙදරට කළ මෙහෙය
හින්දා මටම ලැබුණා සෙට් වෙන ඇනය

වලව්වෙන් ඉඩක් දුන්නෙම නෑ ඉන්න
මතකද කම්කරු මකා දුන් ධීවර කොඩිවිනය
ජන මන මෙල්ල කර බැදි කුරහන් සාටකය
ගලවනු කොහොම මගේ පරපුර අතරමග

වනේ ගිජිදාය ආවොත් වැනසේය
දෙකඩ කරමි වනසමි හැම පක්ෂයම
තැන තැන පතුරුවා නම ගම ඇති බැලයන්
රැුකගමි පුතුන් දැඩි වෙනතුරු මගෙ බලය

ගිරුවාපත්තුවට පෑයු හිරුබැස යන්න එපා
රජකම අපට අන්කිසි සැපතනැත තොපටා
පින්කරවන මහතුනේ දරු දුක දැක පත්තුවෙන
මල්ලිගෙ ලෙයට වැඩියෙන් ගනකමය පුතු


හිතුවක්කාරයා

Monday, May 17, 2010

කුරහන් වැලපිල්ල

අතුරු මිතුරු වෙමු සුමිතුරු
නිරතුරුවම දැක අනතුරු
සකියනි නුඹ වෙද නොදැමුණු
ඒ යාමය වෙයි බිහිසුණු

අනේ අපිට ලද තනතුරු
නොමැතිම යැයි නිසි විසිතුරු
ගැටුමට නම් නොයාම යුතු
හිදිනු ගොරුති සප්ලෙසැයුරු

කල්හි අබල දුබල වන දිනයක
අවදිව නිහඩව නිසිකල සර්පව
වෙළෙනු විදිනු දළ විසකුරු
වල වැද වැනෙසනු නියතය කුරහන

හිතුවක්කාරයා